U Biełarusi ŭpieršyniu praviali ŭnikalnuju apieracyju dziciaci — serca spyniali na 2,5 hadziny
Chirurhi adkarektavali pryrodžany parok serca pa japonskaj mietodycy.
Biełaruskija chirurhi praviali ŭnikalnuju apieracyju pa karekcyi redkaha pryrodžanaha paroku serca.
Dyrektar RNPC dziciačaj chirurhii, hałoŭny pazaštatny dziciačy kardyjachirurh Ministerstva achovy zdaroŭja Kanstancin Drazdoŭski raskazaŭ, što apieracyju pa japonskaj mietodycy Nikaidoh u Biełarusi praviali ŭpieršyniu, piša BiełTA.
«Paŭtara hoda tamu da nas pastupiła dzicia, jakoje my nazirali da 5 miesiacaŭ. U jaho redki parok, jamu treba było dźvie apieracyi. Adna časovaja, kab dać chłopčyku mahčymaść padraści i dažyć da druhoj apieracyi, i druhaja kančatkovaja — apieracyja Nikaidoh, jakuju robiać vielmi niešmatlikija centry ŭ śviecie. U Biełarusi jaje dahetul nie pravodzili», — rastłumačyŭ chirurh.
Padčas pieršaj apieracyi lekary vykarystali zusim novy padychod — z dapamohaj mini-invaziŭnych technałohij dali dziciaci mahčymaść žyć jašče hod, zrabili tak zvanuju impłantacyju stenta ŭ serca dziciaci, u lohačnuju arteryju. Takim čynam palepšyli lohačny kryvaciok, i dzicia zmahło dačakacca kančatkovaj apieracyi.
«Kali pryjšoŭ čas rabić kančatkovuju apieracyju, heta, viadoma, było dla nas vyklikam, tamu što apieracyja vielmi składanaja technična. I ŭsio ž, pahavaryŭšy z mamaj, my pryniali rašeńnie iści na jaje. Nam udałosia zrabić tak, što ciapier dzicia adčuvaje siabie dobra.
Apieracyja prachodziła davoli składana, my spyniali serca na 2,5 hadziny. U hety čas adbyvałasia pierasoŭvańnie sasudaŭ i adnaŭleńnie pracazdolnaści serca ŭ tym vyhladzie, u jakim jano jość va ŭsich narmalnych ludziej», — raskazaŭ dyrektar RNPC.
Raniej dzieci z hetym parokam apieravalisia niekalki razoŭ i byli vymušanyja ŭsio žyćcio paŭtorna apieravacca, ale japonski dziciačy kardyjachirurh prydumaŭ apieracyju Nikaidoh, i ciapier uvieś śviet aktyŭna raźvivaje jaje ŭ roznych madyfikacyjach.
Dziakujučy kamandnaj pracy paślaapieracyjny pieryjad prajšoŭ hładka i praz 5 dzion dzicia było pieraviedziena da mamy. Ciapier chłopčyk adčuvaje siabie dobra.
Jak ciapier vyhladaje palitźniavoleny Ihar Łosik FOTA4
Kamientary