Žonku doktara Rusłana Badamšyna asudzili za pratesty. Raniej prysud vynieśli jamu samomu
U mai ŭ Minsku za ŭdzieł u pratestach vynieśli prysud viadomamu nieŭrołahu Rusłanu Badamšynu. Jak daviedałasia «Lusterka», jaho žonku Taćcianu paźniej asudzili pa tym ža «narodnym» artykule.
Taćcianu Badamšynu abvinavačvali ŭ «aktyŭnym udziele ŭ hrupavych dziejańniach, jakija hruba parušajuć hramadski paradak» (č.1 art. 342 KK). Zvyčajna takoje abvinavačvańnie vystaŭlajuć šarahovym udzielnikam mirnych maršaŭ pratestu ŭ Miensku ŭ 2020 hodzie.
Spravu Taćciany razhladaŭ sud Frunzienskaha rajona stalicy. Jaki mienavita prysud joj vynieśli, nieviadoma.
Badamšyna abskardziła rašeńnie suda pieršaj instancyi. Jaje apielacyju buduć razhladać 16 žniŭnia ŭ Minskim haradskim sudzie. Ź jaho raskładu i stała viadoma, što žančyna była padvierhnutaja represijam, jak i jaje muž.
Taćcianie pahražaje pakarańnie ŭ vyhladzie aryštu na termin da 3 miesiacaŭ, albo abmiežavańnia voli na termin ad 2 da 5 hadoŭ, albo pazbaŭleńnia voli na termin da 4 hadoŭ.
Rusłan Badamšyn — doktar-nieŭrołah. Raniej jon pracavaŭ u RNPC nieŭrałohii i niejrachirurhii doktaram funkcyjanalnaj dyjahnostyki, śpiecyjalizavaŭsia na spadčynnych i nabytych niejramyšačnych zachvorvańniach, u tym liku SMA.
U žniŭni 2020 hoda Badamšyn padtrymaŭ pratesty suprać falsifikacyi vybaraŭ i hvałtu siłavikoŭ. Tady ž jaho pieršy raz zatrymali i adpravili na «sutki». Ciaham niekalkich miesiacaŭ jon traplaŭ za kraty piać razoŭ i sumarna adbyŭ bolš za 60 dzion administracyjnaha aryštu. Apošni raz, nakolki viadoma, heta adbyłosia ŭ sakaviku 2021 hoda, i amal uvieś miesiac jon pravioŭ za kratami. U dzień vyzvaleńnia jaho zvolnili z RNPC za toje, što jon spaźniŭsia na pracu paśla vychadu ź izalatara ŭ Žodzina.
U 2024 hodzie Badamšyna zatrymali znoŭ. Suprać jaho raspačali kryminalnuju spravu za fota z akcyj pratestu ŭ 2020 hodzie ŭ Minsku.
7 maja ŭ sudzie Frunzienskaha rajona stalicy Julija Krepskaja vyniesła nieŭrołahu prysud. Jamu pryznačyli 3 hady «chatniaj chimii» — abmiežavańnia voli biez nakiravańnia ŭ papraŭčuju ŭstanovu.
Siońnia pačynajuć sudzić byłoha palitviaźnia z Baranavičaŭ — jamu pahražaje da 12 hadoŭ kałonii
Šmatdzietnuju maci, čyj syn — palitviazień, sudziać pa kryminalnaj spravie. Joj pahražaje da 7 hadoŭ
Palitviaźniu Cimuru Ryzapuru, u jakoha vypuścili piać humovych kul, dadali hod kałonii za niepadparadkavańnie administracyi
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści15
Kamientary