Kančatkovaje pachavańnie muzyčnaha festu Lidbeer. Chedłajnieram stanie Volha Buzava
Sioleta ŭ Lidzie nie budzie znakamitaha muzyčnaha fiestyvalu Lidbeer. Zamiest jaho ŭ Dzień horada praviaduć «CharčFest». Hałoŭnaj zorkaj stanie rasijskaja śpiavačka, čyje fota «natchniajuć sałdat vajavać».
Ab tym, što ŭłady horada vyrašyli admovicca ad paśpiachovaha muzyčnaha prajekta «Lidskaha piva», stała viadoma niadaŭna. Nahadajem: pieršy fiestyval Lidbeer prajšoŭ u 2015 hodzie. Tradycyjna jaho pravodzili ŭ Dzień horada. Chedłajnierami ŭ roznyja hady stanavilisia «Bi-2», «Čajf», «Akijan Elzy» i inšyja hurty. Arhanizatary paviedamlali, što kolkaść haściej śviata dasiahała 130 tysiač čałaviek.
Składanyja časy dla mierapryjemstva pačalisia razam z pandemijaj COVID19 — byli try hady admien i pieranosaŭ. Letaś Lidbeer usio ž adbyŭsia. Ale, jak kažuć, heta było ŭžo zusim nie toje: zamiest papularnych hurtoŭ arhanizatary dali scenu roznym kavier-bendam i praŭładnym artystam kštałtu Skynet. Nie abyšłosia biez zatrymańniaŭ.
Darečy, charčfest «PROSmak» hod tamu taksama pravodzili ŭ Dzień horada. Cikava pra heta nie zmahła raskazać navat rajonka. «Lidskaja hazieta» abmiežavałasia litaralna niekalkimi skazami: «Pradpryjemstvy Lidčyny prademanstravali svaju najlepšuju pradukcyju, a taksama arhanizavali interaktyŭnyja placoŭki jak dla darosłych, tak i dla dziaciej».
Fotarepartaž taksama naŭrad ci kaho ździvić: na zdymkach tematyčnyja stendy roznych pradpryjemstvaŭ, nie nadta aryhinalnyja fotazony z bulbaj, morkvaj (i čamuści ananasam), a taksama dzieci z čyrvona-zialonymi ściahami na ščočkach. Karaciej, absalutna typovy nabor dla Dnia horada. Moža, ludziam i nie nadta cikava, zatoje ideołahi spakojnyja, što siurpryzaŭ nie budzie.
I voś ciapier ułady horada vyrašyli abjadnać hetyja dva mierapryjemstvy i zrabić «CharčFest». Hałoŭnym padarunkam na Dzień horada stanie vystupleńnie rasijskaj śpiavački Volhi Buzavaj.
«Adkładaj usie spravy i tančy pad Buzavu», — zaklikaje telehram-kanał «Lidski (nie)aficyjna».
Pazicyja śpiavački nakont vajny była maksimalna zrazumiełaj adrazu — pačynajučy ad zapisu ździeklivaj prapahandysckaj pieśni, u jakoj jana vyśmiejvała suajčyńnikaŭ, što źjechali z Rasii ad mabilizacyi: «Ty vział i promieniał Buzovu na Hruziju».
U rasijskich ŚMI źjaŭlałasia infarmacyja pra toje, što Buzava kuplaje nie tolki humanitarnuju dapamohu dla rasijskich vajskoŭcaŭ, a jašče i nabyvaje dla ich ryštunak.
Sioleta Volha trapiła ŭ centr skandału praz svoj vielmi seksualny ŭbor na Dni horada va Ufie. Artystku abvinavacili ŭ tym, što jana dazvalaje sabie takija niaścipłyja vobrazy, kali ludzi pamirajuć na vajnie.
Ale za Buzavu ŭstupiŭsia pałkoŭnik zapasu Centralnaha aparata Minabarony Rasii Uładzimir Truchan. Jon zajaviŭ, što partrety artystki papularnyja siarod vajskoŭcaŭ i navat matyvujuć ich vajavać:
«Ja zaraz u siomy raz pajedu na SVA, tam naohuł nichto hetymi rečami nie zamaročvajecca i ŭ jakim-niebudź blindažy budzie partret mienavita hetaj Volhi Buzavaj, tamu što ŭ vojsku heta modna, kali chto nie ŭ kursie, usiakija mužčynskija časopisy, partrety napaŭaholenych dam. Jany narmalna za heta vajujuć».
Na fiestyvali Lidbeer u Lidzie zatrymali dvuch mužčyn — jany vykryknuli «Žyvie Biełaruś»
«Admoviŭsia jechać na kancerty ŭ padtrymku Łukašenki». Muzyki raskazvajuć, za što ich unosili ŭ «čornyja śpisy»
«Poka ty biez dieł». Rektarka Hrodzienskaha ŭniviersiteta ŭzarvała tyktok abscennaj leksikaj
Buzava paśliznułasia i zvaliłasia na «Minsk-arenie». Ani Ejsmant, ani Pryhožyn nie padchapili jaje
«Admoviŭsia jechać na kancerty ŭ padtrymku Łukašenki». Muzyki raskazvajuć, za što ich unosili ŭ «čornyja śpisy»
Jak skłałasia žyćcio vunderkinda z Žodzina, jaki ŭ 12 hadoŭ pastupiŭ u miedycynski ŭniviersitet?5
Kamientary
fu. užo sama nazva niepryjemnaja. ChryčFest.. CharkFest