U Homieli byłyja baksiory vypili i zładzili sparynh — usio skončyłasia trahiedyjaj
Ciapier były spartoviec apynuŭsia na łavie padsudnych.
Dva pryjacieli-hamielčuki ŭ krasaviku sustrelisia na vulicy. Jany vyrašyli hetuju sustreču adznačyć — kupili ałkahol i adpravilisia dadomu da adnaho ź ich.
Abodva mužčyny — u minułym baksiory. Pryčym adzin ź ich byŭ majstram sportu, druhi — kandydatam. U niejki momant pryjacieli, jakija dobra vypili, vyrašyli zładzić baksiorski sparynh, piša «Biełka».
Kolki praciahvaŭsia boj, nieviadoma. Adnak ranicaj mužčyna znajšoŭ tavaryša na padłozie biez prykmiet žyćcia. Ekśpiertyza ŭstanaviła, što mužčyna pamior ad acioku hałaŭnoha mozhu. Na ciele ŭ jaho znajšli šmatlikija paškodžańni.
«Spačatku padazravany śćviardžaŭ, što nanios niabožčyku tolki dva ŭdary ŭ hałavu, ad jakich u jaho ŭtvarylisia siniaki pad vačyma, ale jon zastavaŭsia aktyŭny i praciahvaŭ udzielničać u zastolli. Tolki paśla aznajamleńnia z vynikami sudova-miedycynskaj ekśpiertyzy jon dapuściŭ, što ŭdaraŭ mahło być bolš», — raspaviali ŭ homielskaj prakuratury.
Byłomu baksioru pradjavili abvinavačańnie ŭ naŭmysnym pryčynieńni ciažkich cialesnych paškodžańniaŭ, jakija pryviali pa nieaściarožnaści da śmierci čałavieka. Jamu pahražaje ad 5 da 15 hadoŭ pazbaŭleńnia voli.
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju26
Kamientary
Dyk chto ž pieramoh? MS ci KMS? Intryha, adnak... NN, udakładni, kali łaska