30 lipienia Łukašenka sustreŭsia z pracoŭnaj hrupaj pa analizie dziejnaści Nacyjanalnaj akademii navuk. «Salidarnaść» źviarnuła ŭvahu, što na hetaj naradzie prysutničaŭ i były kiraŭnik NAN dy premjer-ministr 74-hadovy Michaił Miaśnikovič, jakoha, jak raniej zdavałasia, užo adpravili na piensiju.
Stvoranaja pracoŭnaja hrupa pad kiraŭnictvam staršyni Kamiteta dziaržkantrolu pavinna padrychtavać Łukašenku prapanovy pa raźvićci Akademii navuk. Miarkujučy pa prysutnaści na sustrečy Miaśnikoviča, jon uvachodzić u skład hetaj hrupy.
Na naradzie čynoŭnik siadzieŭ bližej da kraju stała, ale mienavita jon paśla vyjšaŭ da žurnalistaŭ dziaržaŭnych ŚMI raskazać pra źmiest sustrečy. Tyja pradstavili jaho ŭ svaich publikacyjach jak «dziaržaŭnaha dziejača».
Z 1990-ch pa 2010-ja hady Michaił Miaśnikovič byŭ adnoj z najznačniejšych fihur u atačeńni Łukašenki, uznačalvajučy ŭ rozny čas jahonuju administracyju, Akademiju navuk, urad i Saviet Respubliki. Ale ŭ apošnija niekalki hadoŭ Miaśnikovič zajmaŭ nie vielmi ŭpłyvovuju pasadu kiraŭnika kalehii Jeŭrazijskaj ekanamičnaj kamisii, a ŭ pačatku hetaha hoda straciŭ i jaje.
Kamientary
Ale, zdajecca, ŭžo nazaŭtra vypietraŭ
Ale toj adnadabovy aryšt byŭ vyklučeńniem z najbližšaha koła spadara Łukašenki Baćki
Ułybnuli vy mienia. Michaił Vładimirovič sam naznačił nam Łukašienko v kačiestvie Piervoho priezidienta RB. On hłavnyj naš mafiozi tiech pieriestroječnych let ot SSSR / BSSR k RB. Eto jeho i v ciełom vsiu našu tohdašniuju mnoho tysiačnuju partijnuju mafiju CK KPB Zianon Stanisłavovič pytałsia sraziť movaj i paroj-trojkoj fraz u mikrofona v VS i v publikacijach pieried vyborami 1994 tipa O russkom impierialiźmie i jeho opasnosti.