Śviet88

U ZŠA 26-hadovy piedafił na praciahu hoda chadziŭ u adzin kłas z padletkami. Nichto nie zdahadaŭsia

Ciapier sud jaho pryhavaryŭ da turemnaha źniavoleńnia na termin ad 85 da 120 hadoŭ.

In the USA, a 26-year-old pedophile went to the same class with teenagers for a year and no one guessed V SŠA 26-letnij piedofił ciełyj hod chodił v odin kłass s podrostkami i nikto nie dohadałsia U ZŠA 26-hadovy piedafił na praciahu hoda chadziŭ u adzin kłas z padletkami i nichto nie zdahadaŭsia
Ilustracyjnaje fota: Pixabay / pexels.com/

Užo zvyčajnym stali paviedamleńni ab vykryćci internet-piedafiłaŭ, jakija ŭvachodziać u davier da padletkaŭ, vydajučy siabie za ich ravieśnikaŭ. Vypadak, jaki adbyŭsia ŭ ZŠA, adbyŭsia ŭ realnym žyćci i ŭ zvyčajnaj škole. 26-hadovy chłopiec vydaŭ siabie za 17-hadovaha, chadziŭ u škołu, znajomiŭsia ź dziaŭčatami i atrymlivaŭ žadanaje. Małodšaj achviary było 13 hadoŭ.

Jak piša The Waschington Post, nadzvyčajny vypadak adbyŭsia ŭ horadzie Linkaln (štacie Niebraska). Miascovy žychar Zachary Šejch (Zachary Scheich) majučy rost prykładna 162 sm i chudarlavy ciełaskład, vydaŭ siabie za 17-hadovaha i staŭ naviedvać škołu.

Z sudovych dakumientaŭ niezrazumieła, jakuju historyju mužčyna prydumaŭ, kab być pryniatym. Zhodna z pakazańniami adnaho z čynoŭnikaŭ sistemy adukacyi horada, Šejch pakazaŭ paśviedčańnie ab naradžeńni, tabiel paśpiachovaści, dakumienty ab miedahladzie i zapisy ab pryščepkach. Jak paźniej vyjaviłasia, usie jany byli padroblenymi.

Mužčyna spačatku chadziŭ u adnu z škoł na paŭnočnym zachadzie horada, a viasnoj 2023 hoda źjaviŭsia ŭ inšym rajonie horada ŭ škole, jakuju skončyŭ u 2015 hodzie. U dźviuch dziaržaŭnych škołach horada Šejch pravioŭ u ahulnaj kolkaści 54 dni z kastryčnika 2022-ha pa maj 2023-ha hoda. Paśla taho, jak jon pierastaŭ źjaŭlacca na ŭrokach, spravazdačy ab prahułach adpraŭlalisia na pradstaŭleny im vydumany adras.

Zhodna z materyjałami suda, Zachary Šejch byŭ viadomy ŭsim u škole jak Zak Chies (Zach Hess), jakomu 17 hadoŭ. Jon aktyŭna pierapisvaŭsia ź dziaŭčatami sa škoły ŭ sacyjalnych sietkach, chadziŭ na spatkańni, dabivaŭsia seksualnych kantaktaŭ, a ŭ niekatorych vypadkach adpraŭlaŭ dziaŭčatam hrošy i prasiŭ padzialicca ź imi zdymkami seksualnaha źmiestu.

Niekalki takoha kštałtu paviedamleńniaŭ i fota seksualnaha charaktaru palicyja znajšła ŭ Šejcha padčas praviadzieńnia pieratrusu ŭ lipieni 2023 hoda.

Mužčyna zajšoŭ tak daloka, što sustreŭsia ź siemjami niekatorych dziaŭčat-padletkaŭ. Tolki praz peŭny čas niekalki zakłapočanych baćkoŭ paviedamili ab svaich padazreńniach u palicyju.

Na sudu mužčyna pryznaŭ, što vydavaŭ siabie za padletka, ale admaŭlaŭ abvinavačvańni ŭ tym, što mieŭ seksualny kantakt z kim-niebudź ź dziaŭčat.

Sud pryhavaryŭ Šejcha da turemnaha źniavoleńnia pa piaci kryminalnych złačynstvach na termin ad 85 da 120 hadoŭ. Jak patłumačyŭ sudździa, taki praciahły termin źniavoleńnia abumoŭleny niekalkimi faktarami: kolkaściu vyjaŭlenych achviar, ich uzrostam, uździejańniem złačynstvaŭ Šejcha i praciahłaściu času ich ździajśnieńnia. Mužčyna maje prava na ŭmoŭna-daterminovaje vyzvaleńnie praz 40 hadoŭ.

Akramia hetaha, u spravie fihuruje 23-hadovaja dziaŭčyna, jakaja vydavała siabie za maci Šejcha, kali chadziła na sustrečy ŭ škołu. Jana nie pryznała siabie vinavataj i zajaviła, što Šejch joj manipuliravaŭ. Jana vypuščana pad zakład i čakaje suda.

Kamientary8

  • 16.09.2024
    [Red. vydalena]
  • śvieta p****
    16.09.2024
    vychodiec iz irłandskoj dierievni protiestant ?
  • George
    16.09.2024
    Školnikam razriešieno poł mieniať, tak razriešitie im nakoniec-to i vstupať v otnošienija. Zadrali užie svojej puritanskoj moralju.

Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh13

Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh

Usie naviny →
Usie naviny

Što rabić, kali vaš telefon upaŭ u šachtu lifta?5

Biełaruskija astravy, pra jakija vy mahli nie viedać2

Zialenski raskazaŭ, jak bačyć «ździełku» z Trampam pa karysnych vykapniach9

U Pieciarburhu muzyka vykinuŭsia z 10-ha paviercha, kali da jaho pryjšli ź pieratrusam za «finansavańnie USU»7

Žurnalista Ihara Iljaša abvinavačvajuć pa dvuch kryminalnych artykułach1

U Biełarusi ŭsio ž taki zabaroniać Chahi Vahi. Ministr adukacyi ličyć, što hetaja cacka pravakuje hvałt11

Tramp płanuje sustrecca ź Zialenskim na nastupnym tydni12

Pamior Hierman Kiryłaŭ2

Pucin admoviŭsia publična prasić prabačeńnia za padbity azierbajdžanski samalot5

bolš čytanych navin
bolš łajkanych navin

Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh13

Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh

Hałoŭnaje
Usie naviny →

Zaŭvaha:

 

 

 

 

Zakryć Paviedamić