Adbyłasia telefonnaja razmova Alaksandra Łukašenki sa staršynioj praŭleńnia «Rasnafty» Iharam Siečynym.
Paviedamlajecca, što padčas razmovy abmierkavany pierśpiektyvy supracoŭnictva Biełarusi z hetaj rasijskaj kampanijaj. Padrabiaznaści nie nazyvajucca.
Razam z tym varta zaŭvažyć, što ŭčora na naradzie ŭ Łukašenki abmiarkoŭvałasia pytańnie nafty, raskazvaŭ žurnalistam premjer Raman Hałoŭčanka. Biełaruś patrabavała źmianić formułu cany na rasijskuju naftu.
Nieabchodnaść jaje karekciroŭki Raman Hałoŭčanka patłumačyŭ dynamičnymi źmienami na naftavym rynku, u tym liku ŭ častcy ŭmoŭ pastavak i cenavaj kanjunktury na rasijskuju naftu ŭ adnosinach da etałonnych hatunkaŭ.
«Treba asučaśnić formułu cenaŭtvareńnia, kab jana ŭličvała novyja faktary, a nie tolki tyja, jakija dziejničali, kali hetaja formuła prymałasia», — patłumačyŭ premjer-ministr.
Kamientary