Na Mižnarodnaj matematyčnaj alimpijadzie biełaruskija školniki zaniali 5 miesca, sastupiŭšy tolki pradstaŭnikam krain Azii i ZŠA.
65-ja Mižnarodnaja matematyčnaja alimpijada prajšła ŭ horadzie Bat (Vialikabrytanija). Štohadovaje spabornictva siarod školnikaŭ u matematycy pravodzicca z 1959 hoda, što robić jaje najstarejšaj ź mižnarodnych pradmietnych alimpijad.
Sioleta zbornaja Biełarusi zaniała piataje miesca ŭ ahulnakamandnym zaliku, što źjaŭlajecca najlepšym vynikam dla krainy na padobnych spabornictvach. Biełaruskija školniki abyjšli zbornyja ŭsich jeŭrapiejskaj krain, sastupiŭšy tolki zbornym Indyi, Paŭdniovaj Karei, Kitaja i ZŠA.
Letaś biełaruskaja kamanda zajmała tolki 17 miesca.
Školniki z roznych kutkoŭ Biełarusi zavajavali šeść miedaloŭ: załatyja miedali zavajavali vučni himnazii № 41 h. Minska Michaił Rajchman i Maćviej Vylahžanin, vučań himnazija № 2 h. Viciebska Ivan Karšunoŭ i vučań himnazii № 51 h. Homiela Pavieł Citoŭ, bronzavyja miedali atrymali vučni himnazii № 2 h. Viciebska Maćviej Areščanka i Maksim Manastyrski.
Z susiedziaŭ najbližej akazałasia kamanda Polščy, jakaja zaniała 9-je miesca.
«Naša Niva» — bastyjon biełaruščyny
PADTRYMAĆ
Kamientary