Redaktar hłybockaj rajonki napisaŭ pra śmiećcie ŭ horadzie, a paśla zrazumieŭ, što padyhryvaje «voraham»
«Viciebskaja viasna» apisała kurjoznuju i pavučalnuju situacyju, jak rajonny prapahandyst spačatku sam pakazaŭ praŭdzivuju, ale nie vielmi pryhladnuju karcinu miascovaha žyćcia, a paśla spałochaŭsia, što zapuščanaja im vada paliłasia nie na toj młyn.
16 lipienia ŭ haziecie «Vieśnik Hłyboččyny» vyjšaŭ artykuł «Tak nie pavinna być! Jak, naprykład, na nabiarežnaj voziera Kahalnaje ŭ Hłybokim». Aŭtar Andrej Pankrat apisaŭ i sfatahrafavaŭ
«žudasnaje vidovišča: vakoł dźviuch ustalavanych niepadalok adna ad adnoj łavačak byli raskidanyja pustyja i bityja butelki z-pad śpirtnoha, pački ad cyharet, čypsaŭ».
Zaŭvažyŭ redaktar i jašče niekalki padobnych faktaŭ.
Fotarepartaž zaŭvažyŭ u rajoncy i pieradrukavaŭ telehram-kanał «LIVE Vitiebsk, ja hulaju!», supravadziŭšy jaho ŭłasnym tekstam:
«Niečakana bahaty fotarepartaž pra zachłamlenaje Hłybokaje vydaŭ hałoŭny redaktar miascovaj rajonki. Jon pakazaŭ, što kučy śmiećcia možna sustreć u mnohich parkach i miescach adpačynku rajcentra».
Andrej Pankrat, zamiest taho, kab paradavacca, što jahony hołas u abaronu haradskoj ekałohii nabyŭ bolš šyroki rezanans, pierapałochaŭsia, bo hety telehram-kanał zajmaje krytyčnaje staŭleńnie ŭ dačynieńni da režymu.
Tamu praź dzień z-pad piara redaktara vyjšaŭ novy artykuł, pad nazvaj «Pierievrali, izvratili, opošlili, ili primier toho, kak oppy ispolzujut manipulacii dla podryva dovierija k vłasti».
Ni pra ŭłady, ni pra padryŭ davieru ŭ tekście na viciebskim telehram-kanale nie było ni słova. Adnak Andrej Pankrat ličyć, što jahonyja zdymki sadziejničajuć zmahańniu za čyściniu ŭ rajcentry tolki tady, kali nadrukavanyja na sajcie rajonnaj haziety. Tyja ž, chto ich pieradrukavaŭ,
«nie imknucca da stvareńnia spryjalnaj i stabilnaj hramadska-palityčnaj situacyi, a praciahvajuć pravakavać u našym hramadstvie kanflikty i zvady». I ŭvohule «zakładanyja imi sensy nie adlustroŭvajuć realnuju situacyju ŭ Biełarusi, tamu nie varta daviarać usiamu, što jany kažuć».
Ale jak ža nie daviarać, kali fotarepartaž byŭ apublikavany ŭ dziaržaŭnym vydańni, za podpisam samoha redaktara?
Prarasijskaja aktyvistka aburyłasia, što nie moža apublikavać fota ź bieł-čyrvona-biełym ściaham
Biełaruskaja prapahanda stvaryła tabłoid «Piatnica». Jaki vychodzić u sieradu
Redaktarku haziety Mazyrskaha NPZ, jakuju zatrymlivali za «ekstremizm», zvolnili i zamianili na prapahandysta z Rahačova
Błohierka-jabaćka lamantuje, što joj pahražajuć čynoŭniki
U Zelvie zładzili prapahandyscki konkurs da 80-hodździa vyzvaleńnia Biełarusi. Najbolšym kreatyvam ździvili słonimcy FOTAFAKT
Stała viadoma, kolki studentaŭ adličyłasia z adnaho sa staličnych univiersitetaŭ za apošnija hady. Ličba ŭražvaje2
Kamientary