Na Rastoŭskaj AES adbyŭsia vybuch i Rasiju nakryła chvala radyjacyi? Pasprabavali razabracca
U miedyja źjaviłasia infarmacyja pra nibyta ŭciečku radyjacyi i mocnaje pavyšeńnie radyjeaktyŭnaha fonu kala Rastoŭskaj AES. Karystalniki sacsietak zapeŭnivajuć, što «radyjeaktyŭnaje vobłaka ruchajecca da Saratava». Ale padobna, što heta ŭkid.
![](http://d3kcf2pe5t7rrb.cloudfront.net/img/w840d4webp1/photos/z_2024_07/replicate-prediction-t941cjsp5xrgg0cgt39t1getdw11-wmw3d.jpg.webp)
Krynicaj hetaj infarmacyi staŭ tvitar-akaŭnt SergVolin. 18 lipienia jon raskazaŭ pra toje, što na Rastoŭskaj AES adbyłasia avaryja. Na nastupny dzień jon paviedamiŭ pra pavyšeńnie radyjeaktyŭnaha fonu ŭ 75 razoŭ.
![](http://d3kcf2pe5t7rrb.cloudfront.net/img/w732d4webp1/photos/z_2024_07/screenshot2024-07-20at190933-a9tro.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_07/screenshot2024-07-20at1854351-j7pz1.jpg.webp)
Hetuju infarmacyju chutka padchapili niekatoryja ŭkrainskija miedyja, a taksama jutub-kanały. Publikavali jaje i biełaruskija (naprykład, Realnaja Biełaruś), i rasijskija kanały (naprykład, Niaŭzoraŭ).
U sučasnym śviecie paprostu niemahčyma schavać katastrofu takoha maštabu. Navat kali ŭłady Rasii vyrašyli b ničoha nie kazać pra ŭciečku, jaje lohka pravieryć — u tysiač ludziej jość bytavyja dazimietry, jakija choć i nie dakładnyja, ale dazvolili b vymierać istotnuju ŭciečku. Anijakich źviestak takoha kštałtu bolš čym za sutki nie źjaviłasia.
Takim čynam, heta fejk. Da takich ža vysnovaŭ pryjšli i ŭkrainskija resursy.
Nasamreč u rastoŭskaj AES sapraŭdy niadaŭna adbylisia prablemy — spyniŭsia treci enierhabłok praz prablemu z turbahienierataram. Praz heta adbyłasia niastača enierhii, i ŭ niekatorych rehijonach Rasii adklučałasia elektryčnaść. Adnak pra radyjacyjnuju avaryju havorki niama.
«Naša Niva» — bastyjon biełaruščyny
PADTRYMAĆ
Kamientary