U rasijskim Krasnadary ludzi pierakryli vulicu z-za adklučeńniaŭ śviatła
Pieraboi z elektraenierhijaj iduć užo miesiac.
U mikrarajonie Rasinskaha ŭ vaśmi damach užo miesiac adbyvajucca masavyja adklučeńni elektraenierhii. Pa słovach miascovych žycharoŭ, śviatło adklučali spačatku adzin raz na tydzień, potym pa try, paviedamlaje Baza.
Ciapier u damach, niekatoryja ź jakich na 540 kvater, śviatła niama pa 12-15 hadzin za sutki. Pry hetym u horadzie 39 hradusaŭ.
Kamunalnyja słužby padklučajuć zapasny trasfarmatar, u kvaterach źjaŭlajecca to śviatło, to vada na 30-40 chvilin na kožny bok doma.
Žychary havorać, što ab płanavych rabotach ich nie papiaredžvali. Krasnadarenierha na zvanki nie adkazvaje, avaryjnaja słužba nie vyjazdžaje.
Zmučanyja žychary vyrašyli pryciahnuć uvahu miascovych uład da prablemy — jany pierakryli vulicu Sałaŭjova i skandujuć «Dajcie śviatło!». Na pierakrytuju vulicu pryjechała palicyja. Ułady pakul nie kamientujuć situacyju.
Prablemy z elektrazabieśpiačeńniem hetym letam adbyvajucca nie tolki ŭ Krasnadary, ale i ŭ Jejsku, i šerahu inšych haradoŭ na poŭdni Rasii z-za deficytu mahutnaści ŭ enierhasistemie i pierahruzki sietki z-za vysokaha spažyvańnia.
Stała viadoma, kolki studentaŭ adličyłasia z adnaho sa staličnych univiersitetaŭ za apošnija hady. Ličba ŭražvaje2
Kamientary