Zrazumieła, što demakratam pryjdziecca vielmi chutka pryniać rašeńnie, chto i jak jaho zamienić. Ale jakija mohuć być kankretnyja scenary?
![](http://d3kcf2pe5t7rrb.cloudfront.net/img/w840d4webp1/photos/z_2024_07/biden_ap240706-4v1eu.jpg.webp)
U piatnicu pieradvybarny štab Džo Bajdena apublikavaŭ zajavu, što dziejny prezident nie vychodzić ź pieradvybarnaj honki.
Adnak, pakolki ŭsio bolš pradstaŭnikoŭ Demakratyčnaj partyi publična zajaŭlajuć, što šancy prezidenta na pieramohu na listapadaŭskich vybarach nievialikija, i vierahodnaść taho, što Bajden sydzie, usio jašče isnuje, piša «Hołas Amieryki».
Stała viadoma taksama, što mnohija donary nie chočuć pieravodzić srodki na vybarčuju kampaniju Bajdena.
Kali Džo Bajden vyjdzie z prezidenckaj honki, demakratam pryjdziecca chutka pryniać rašeńnie ab tym, chto i jak jaho zamienić.
Najbolš łahičnym scenarom było b, kali b Bajden u nastupnym miesiacy na Nacyjanalnym źjeździe Demakratyčnaj partyi ŭ Čykaha (štat Ilinojs) padtrymaŭ alternatyŭnaha kandydata i paprasiŭ delehataŭ pieradać jamu ci joj abiacanyja hałasy.
Histaryčna skłałasia tak, što delehaty źjezda hałasujuć za kandydata, jaki pieramoh na pieršasnych vybarach ci zakrytych schodach u svaich štatach.
Amal usie 3896 delehataŭ-demakrataŭ prysiahnuli Bajdenu paśla taho, jak jon pieramoh amal na ŭsich pieršasnych vybarach i zakrytych schodach u krainie. Adnak heta «abiacańnie» moža być źmieniena ŭ adpaviednaści z praviłami Nacyjanalnaha kamiteta Demakratyčnaj partyi, jakija dazvalajuć delehatam vyznačacca «pa sumleńni».
Kandydatura vice-prezidenta ZŠA Kamały Charys była b łahičnym vybaram dla chutkaha abjadnańnia hałasoŭ delehataŭ. Jaje imia fihuruje pieršym u čarzie na pierajemnaść.
Akramia taho, jana, jak udzielnica kampanii Bajdena Charys była b zručnaja donaram u finansavym staŭleńni. Zhodna z praviłami finansavańnia pieradvybarnaj kampanii Charys budzie mieć prava vydatkavać uvieś biudžet kampanii Bajdena-Charys, jaki, zhodna ź ich apošniaj červieńskaj spravazdačaj, składaje 91 miljon dalaraŭ.
Pa danych novaha apytańnia Centra daśledavańniaŭ hramadskich suviaziaŭ AP-NORC: 58 adsotkaŭ demakrataŭ ličać, što z Charys atrymajecca dobry prezident, hetak ža ličać 30 adsotkaŭ usiaho nasielnictva ZŠA i 43 adsotka darosłych, siarod jakich 74 adsotkaŭ demakrataŭ.
![](http://d3kcf2pe5t7rrb.cloudfront.net/img/w732d4webp1/photos/z_2024_06/kamala_harris_ap240605-p039j.jpg.webp)
Adnak demakraty, mahčyma, taksama zachočuć paźbiehnuć niedemakratyčnaj bačnaści aŭtamatyčnaj karanacyi Charys u jakaści pierajemnicy Bajdena i pravieści svajho rodu spabornictva.
Varyjant adkrytaj kanviencyi
Partyja mahła b pravieści adkryty źjezd i vybrać kandydata ź liku niekalkich, siarod jakich mohuć akazacca hubiernatar Kalifornii Hevin Ńjusam, hubiernatar Piensilvanii Džoš Šapira abo hubiernatar Mičyhana Hretchien Uitmier.
Adkryty źjezd moža stać burnym mierapryjemstvam i vyklikać roznahałośsi, čaho demakraty chacieli b paźbiehnuć za try miesiacy da vybaraŭ.
Vyłučeńnie kaho-niebudź, akramia Charys, taksama moža razzłavać afraamierykanskich žančyn, jakija źjaŭlajucca asnoŭnaj padtrymkaj partyi.
«Sutnaść u tym, što kali prezident sydzie ŭ adstaŭku, demakraty pavinny chutka vyśvietlić, i chto zamienić Bajdena, i chto, chutčej za ŭsio, pieramoža na vybarach», — rastłumačyŭ Łary Sabata, dyrektar Centra palityki ŭniviersiteta Virdžynii.
«I heta pavinien być toj ža čałaviek», — skazaŭ jon. — Ci zmohuć jany zrabić heta ŭ adviedzieny termin — miesiac — heta zusim inšaje pytańnie»
Demakraty taksama pavinny vyrašyć, chto stanie kandydatam na pasadu vice-prezidenta, i hety praces moža vyklikać chvalavańnie i raskoł u partyi.
Bajden zajaviŭ raniej, što varyjanty, jakija mohuć prymusić jaho syści heta — samyja žudasnyja vyniki apytańniaŭ, abo kali ŭ jaho «vyjaŭlajecca zachvorvańnie!», abo kali «Boh Usiemahutny vyjdzie i skaža» jamu pra heta.
Prezident zastajecca ŭ izalacyi ŭ svaim zaharadnym domie ŭ Dełavery paśla pačatku hetaha tydnia jamu pastavili dyjahnaz COVID.
Pavodle aficyjnaha paviedamleńnia asabistaha doktara prezidenta, apublikavanaha ŭ piatnicu ŭ druhoj pałovie dnia, «prezident pryniaŭ čaćviortuju dozu Paxlovid (leki ad COVID) i, niahledziačy na kašal i chrypłaść hołasu, z učorašniaha dnia jaho pakazčyki palepšylisia».
«Puls, arteryjalny cisk, častata dychańnia i tempieratura zastajucca absalutna narmalnymi. Jaho lohkija zastajucca čystymi. Usie jaho analizy kryvi — u normie. Prezident praciahvaje dobra pieranosić lačeńnie i vykonvać pracu dla amierykanskaha naroda», — paviedamiŭ prezidencki doktar.
Bajden choča praciahvać baraćbu za pasadu prezidenta
Bajden moža vyjści z vybarnaj honki ŭžo na hetyja vychadnyja
Bajden nazvaŭ adzinuju ŭmovu, pry jakoj admovicca ad prezidenctva
Zialenski pavinšavaŭ Trampa z abrańniem kandydatam ad Respublikanskaj partyi i nazvaŭ jaho prezidentam
Tramp aficyjna pryniaŭ naminacyju kandydata ŭ prezidenty ad Respublikanskaj partyi
Kamientary