Suśvietnyja ceny na kavu bjuć rekordy. Košt vašaha łate pad pahrozaj
Što prymušaje raści ceny?
Prahnozy ekśpiertaŭ ab tym, što ŭ chutkim časie kava moža stać raskošaj, pačali imkliva zbyvacca.
Ź siaredziny maja, pa źviestkach sietki biržaŭ Intercontinental Exchange (ICE) Futures ceny na rabustu vyraśli na 29% (bolš za 40% z pačatku hoda) i skłali ŭ pačatku lipienia rekordnyja $4800 za tonu. Heta źjaŭlajecca rekordam z 2008 hoda.
Arabika dadała za try miesiacy 21% (30% za hod). Ciapier jana handlujecca pa canie $5490 za tonu.
Pryčyna, jak tłumačyć vydańnie Nikkei Asia, u nadzvyčajnaj haračyni, jakaja achapiła asnoŭnyja rehijony vyroščvańnia kavy ŭ Azii.
Z krasavika siarednija tempieratury ŭ Vjetnamie, Tajłandzie i na Filipinach byli vyšej za normu i dasiahali 48°C. Z hetych krain adzin tolki Vjetnam vyrablaje kala 40% kavavych zierniaŭ rabusta ŭ śviecie. Kraina sutyknułasia nie tolki z haračynioj, ale i z zasuchaj, jakaja moža paŭpłyvać na ŭradžaj.
Nieŭradžajnym byŭ i minuły hod, kali praz haračyniu i zasuchu ŭradžaj źniziŭsia na 20%. Nieŭradžaj minułaha hodu i aściarohi z nahody paŭtoru situacyi ŭ hetym hodzie niehatyŭna paŭpłyvali na dynamiku cen.
Jak piša Bloomberg, situacyju ŭskładniaje i mienšy, čym čakałasia, uradžaj arabiki ŭ Brazilii, jakaja źjaŭlajecca samym bujnym jaje vytvorcam.
Paśla taho, jak drevy pieražyli pieryjad śpiakoty i zasuchi, fiermiery źbirajuć ziernie mienšaha pamieru, čym zvyčajna. Čakajecca, što ŭradžaj budzie na 10-15% nižejšym. Vytvorcam daviadziecca vykarystoŭvać bolš ziernia, kab napoŭnić miašok kavy.
Takim čynam, u chutkim časie nas čakaje istotny rost cany kubačka kavy.
«Ja sam usio rabiŭ pravilna». Syn dyjakana paprasiŭ pazbavić vizy dačku hienierała — i trapiŭ u turmu za palityku2
Kamientary