Ukraina nie fiksuje istotnaha naroščvańnia biełaruskaj armii na miažy
Pres-sakratar pamiežnaj słužby Ukrainy zajaviŭ, što situacyja zastajecca pad kantrolem.
Ukrainskija pamiežniki nie fiksujuć pieramiaščeńniaŭ techniki abo asabistaha sastavu biełaruskaha vojska pobač z ukrainskaj miažoj.
Pradstaŭnik dziaržaŭnaj pamiežnaj słužby Ukrainy pałkoŭnik Andrej Dziemčanka padkreśliŭ, što ŭsie składniki Sił abarony Ukrainy całkam kantralujuć dziaržaŭnuju miažu, piša «Interfaks-Ukraina».
«My nie fiksujem jakich-niebudź niestandartnych situacyj niepasredna na miažy, abo jakich-niebudź pravakacyjnych dziejańniaŭ. Akramia taho, my nie fiksujem, kab u niepasrednaj blizkaści da našaj miažy ažyćciaŭlalisia pieramiaščeńni techniki abo asabistaha składu padraździaleńniaŭ armii Biełarusi», — skazaŭ Dziemčanka.
Hety kirunak, adnak, pa-raniejšamu zastajecca pahroźlivym dla Ukrainy, ličyć śpikier. Jon nahadaŭ zajavy biełaruskaha boku ab tym, što nibyta Ukraina nazapašvaje svaje siły na miažy, adznačyŭšy, što «heta pierakładańnie adkaznaści». U viedamstvie padkreślili, što Biełaruś «zastajecca ŭ arbicie ŭpłyvu Rasii».
«Za tym, što adbyvajecca ŭ hłybini terytoryi Biełarusi sočać padraździaleńni vyviedki, Minabarony, Dziaržpamiežsłužby, kab razumieć, nakolki mocna situacyja pahroźlivaja i jak jana moža mianiacca, kab my svoječasova mahli na heta reahavać. Pieramiaščeńnie ŭhłyb terytoryi Biełarusi peŭnym čynam mahu adznačyć, heta i technika, i asabisty skład. Ale istotnaha naroščvańnia my nie fiksujem», — rastłumačyŭ Dziemčanka.
Jon taksama adznačyŭ, što i raniej Biełaruś trymała padraździaleńni ŭ kirunku miažy z Ukrainaj, ale blizka da miažy jany nie pieramiaščalisia.
Kamientary