Žychary Kamiennaj Horki skardziacca na susiedstva sa skiejt-parkam. Mocna skryhoča i zaminaje spać
Hetym letam u Kamiennaj Horcy adkryli samy vialiki skiejt-park u stalicy. Placoŭka dla ekstremałaŭ na vulicy Kazimiraŭskaj chutka stała miescam pryciahnieńnia dla minčan. Usio b ničoha, ale junyja skiejtary i viełasipiedysty vypraboŭvajuć žaleznyja kanstrukcyi na tryvałaść nie tolki dniom, ale i nočču, a taksama na dośvitku.
Pa słovach žycharoŭ z navakolnych vysotak, mnohija ź ich zusim zabylisia pra cišyniu i spakoj. Siarhiej — adzin z tych, chto žyvie ŭ hmachu na vulicy Lidskaj, 6, i amal štodzień čuje šum ad novaj placoŭki, piša Onliner.by.
Sa słoŭ Siarhieja, paśla pieršych skarhaŭ kala spartyŭnaj placoŭki źjavilisia papieradžalnyja šyldy, u jakich minčukam abmiežavali naviedvańnie skiejt-parku z 23:00 da 07:00. — Ale na ich nichto nie źviartaje ŭvahi, — praciahvaje minčuk.
— Jak katalisia, tak i praciahvajuć rabić heta ŭ luby čas sutak. Pry hetym u administracyi rajona pra hetuju prablemu viedajuć, ale vyrašać jaje, mabyć, nie śpiašajucca. Jašče adzin minčuk, Alaksandr, jaki taksama skardzicca na šum, žyvie ŭ panelnym hmachu na Lidskaj, 2, jakaja bližej za ŭsich raźmieščana da skiejt-placoŭki.
Jon, jak i inšyja žychary susiednich damoŭ, źviartaŭsia ŭ roznyja instancyi z prośbaj vyrašyć prablemu z načnym dostupam na terytoryju skiejt-parku. Pa słovach mužčyny, prajšło paru miesiacaŭ, ale dalej słoŭ spravy nie ruchajucca. — My nie chočam, kab placoŭku zakryvali abo pieranosili ŭ inšaje miesca. Dastatkova abharadzić jaje i abmiežavać dostup na terytoryju ŭ načny čas, — adznačaje Alaksandr.
Što kaža administracyja parku?
Žurnalisty źviarnulisia ŭ «Minskzielanbud», na bałansie jakoha znachodzicca park Uha Čaviesa, kab daviedacca, kali i jak jany płanujuć vyrašać prablemu z šumam.
— Heta placoŭka adkrytaha typu, tamu my nie možam zabaranić dzieciam katacca, — kaža načalnik novaha parku ŭ Kamiennaj Horcy Anatol Ciuškievič.
— Žychary najbližejšych vysotak stali skardzicca na šum litaralna ŭ pieršy miesiac. My adreahavali i ŭstalavali tablički z abmiežavańniem režymu času, ale jany, miarkujučy z usiaho, prablemy nie raźviazvajuć. Adziny vychad ź situacyi, jaki my bačym na dadzieny momant, — abharadzić skiejt-park płotam i vyznačyć režym jaho pracy. Pakul adkrytym zastajecca pytańnie ź finansavańniem. Spadziajemsia, u najbližejšym časie jano budzie vyrašana.
U mahiloŭskaj kałonii pamior 22-hadovy palitźniavoleny Dźmitryj Šlethaŭer6
Kamientary