U Polščy adkryłasia sietka kramaŭ, kudy zavoziać biełaruskija tavary. Abiacajuć navat čypsy ŭ płaścinkach
Na polski rynak vyjšła sietka kram nizkich cen TAK-TU. Asnovu asartymientu tut składaje impart. Jość pradukcyja ź Litvy, Łatvii i Ukrainy, i navat biełaruskaj vytvorčaści, piša Mostmedia.io.
«Dla palakaŭ heta ŭ navinku»
Pieršyja handlovyja abjekty sietki zapracavali ŭ Biełastoku i Łomžy. Nastupny punkt płanujuć adkryć u Olštynie. Biełarusaŭ TAK-TU naŭrad ci ździvić-kancepcyjaj jon nahadvaje sietku» Śviatłafor», jakaja pracuje ŭ farmacie žorstkaha dyskaŭntara.
— Dla palakaŭ heta ŭ navinu — časam jany zachodziać siudy i błytajuć kramu sa składam. Palityka kramy palahaje ŭ tym, što tavary lažać na paletach, pradukty tańniejšyja, — adznačaje supracoŭnica TAK-TU, biełaruska Alisa.
Ranicaj u budni dzień u kramie niešmatludna.
— Pakul mała biełarusaŭ viedaje pra sietku, tamu zachodziać siudy redka. My adkrylisia tolki 31 žniŭnia. Tavar budzie jašče davozicca. Ja dumaju, što ciaham miesiaca asartymient pavialičycca, — dadaje Alisa.
Paduški dastavili, a łampadki jeduć praź biełaruskuju miažu ŭžo dva tydni
Na pieršy pohlad, asartymient kramy pradstaŭleny ŭ asnoŭnym tavarami ź Litvy, Łatvii, Polščy i Ukrainy. Udałosia adšukać i niekalki estonskich i kitajskich praduktaŭ. A voś biełaruskich tavaraŭ niašmat: Alisa pakazvaje paduški koštam ad 33 da 63 złotych — jany pryjechali z Harodni. Jość u kramie biełaruskija firanki za 30 złotych, abrusy za 5,41 złotaha i dekaratyŭnaja padušačka na kresła za 8,86 złotaha.
«Narešcie źjaviłasia narmalnaja varanaja kaŭbasa»
Alisa i sama pakaštavała pradukty, jakija pradajucca ŭ kramie, i navat paśpieła pryhatavać ź ich aliŭje. Kaža, u Polščy «narešcie źjaviłasia narmalnaja varanaja kaŭbasa».
Praŭda, tavary, pa jakich mnohija sumujuć u emihracyi, — nie ź Biełarusi. Naprykład, kansiervavanaja hračanaja kaša sa śvininaj — z Łatvii, choć etykietka na ruskaj movie. Blašanka kaštuje 5,85 złotaha. Jość u kramie i łatvijskaja zhuščonka — 5,52 złotaha za blašanku.
Pradstaŭleny i desierty z Ukrainy. Niekatoryja ź ich možna znajści taksama ŭ sietcy kram Auchan, ale tam takaja pradukcyja daražejšaja. Skrynka bieła-ružovaha ziefiru vahoj 700 hram u TAK-TU kaštuje 13,40 złotaha, paŭkiło piernikaŭ — 5,69 złotaha.
U novaj kramie adšukalisia i vuški — skrynka z hetym piečyvam kaštuje 9,65 złotaha, a ŭpakoŭka ŭkrainskich irysak — 5,24 złotaha.
Jość u kramie i asobnaja chałodnaja zała: tut nizkaja tempieratura, ale pradukcyja lažyć na palicach, a nie ŭ chaładzilnikach. U asartymiencie kansiervy, palandvica, viandlina i kaŭbaski. Słoičak kansiervavanaha łasosia z Łatvii kaštuje 5,86 złotaha, a kiłahram vendžanych rabrynak ź Litvy — 16,27 złotaha.
Alisa paraiła nabyć minierałku z Łatvii, tamu što »ŭ jaje miakki smak». Za 2,5 litra my addali 1,82 złotaha. Vadu pakaštavali — sapraŭdy niadrenna. Pradajuć u TAK — TU i ałkahol. U asnoŭnym heta piva polskaj vytvorčaści i ŭkrainskaja harełka. Ale nam udałosia adšukać češskaje piva ŭ piacilitrovaj bočcy.
Paraški — z Polščy, škarpetki — z Kitaja, špalery — z Ukrainy
Bytavaja chimija pradstaŭlena ŭ asnoŭnym tavarami ź Litvy i Polščy. Naprykład, piać kiłahramaŭ paraška Ariel abyducca ŭ 53 złotych.
Pradajuć u kramie i nižniuju bializnu, i škarpetki — hetyja tavary pastaŭlajucca z Kitaja, a košty na ich vahajucca ad 4 da 7 złotych.
Niezvyčajny dla padobnych kram tavar — ukrainskija špalery — možna kupić pa 8,35 złotaha za rułon.
U mahiloŭskaj kałonii pamior 22-hadovy palitźniavoleny Dźmitryj Šlethaŭer4
Kamientary