Pieciarburhski muziej abvinavacili ŭ prapahandzie nacyzmu za łozunh «Žyvie Biełaruś» na karcinie
Muziej sučasnaha mastactva «Erarta» ŭ Sankt-Pieciarburhu abvinavačvajuć u prapahandzie i publičnym demanstravańni nacysckaj simvoliki z-za karciny biełaruskaha mastaka Siarhieja Hrynieviča.
Na muziej składzieny administracyjny pratakoł, materyjały spravy pieradadzieny ŭ Vasilevostraŭski rajonny sud Pieciarburha, paviedamiła ŭ telehram-kanale kiraŭnik abjadnanaj pres-słužby pieciarburhskich sudoŭ Darja Lebiedzieva. Abviestku zaŭvažyŭ reformby.org.
Zhodna z pratakołam, 6 maja hetaha hoda muziej arhanizavaŭ «publičnaje demanstravańnie nacysckaj atrybutyki ci simvoliki i dalej pa tekście artykuła».
«Na 4 paviersie ŭ ekspazicyi muzieja vyjaŭlena karcina «Fiestyval», na jakoj namalavany ludzi, jakija tancujuć u narodnych kaściumach na scenie, a taksama troje mužčyn u strohich dziełavych kaściumach. Pad karcinaj nadpis čyrvonaha koleru «ŽYVIE BIEŁARUŚ». Zhodna z vysnovami ekśpiertaŭ, dadzieny łozunh zjaŭlaŭsia simvałam 13 Biełaruskaha palicejskaha bataljona pry SD i 30 hrenadziorskaj (piachotnaj dyvizii) Vafien-SS, naroŭni z nacysckim partyjnym pryvitańniem», — napisała Lebiedzieva.
Aŭtaram karciny «Fiestyval» źjaŭlajecca viadomy hrodzienski mastak Siarhiej Hrynievič. Jon napisaŭ hetuju karcinu ŭ 2014 hodzie.
-
Praź niedachop kadraŭ nastaŭnikaŭ pačatkovych kłasaŭ staviać vykładać piacikłaśnikam
-
«Čyrvona-zialonyja kolery pchajuć uvohule ŭsiudy». Čytač z pravincyjnaha horada raskazvaje svaje ŭražańni ad ciapierašniaj Biełarusi
-
Para z Kalinkavičaŭ paprasiła haściej prynieści na viasielle zamiest kvietak cacki dla chvorych dziaciej
Praź niedachop kadraŭ nastaŭnikaŭ pačatkovych kłasaŭ staviać vykładać piacikłaśnikam1
Kamientary