Litoŭskaja mytnia raskazała pra zabarony dla biełaruskich pieravozčykaŭ
Litoŭskaja mytnia abviaściła novyja abmiežavańni ŭ ramkach jeŭrapiejskich sankcyj suprać Biełarusi, paviedamlaje pres-słužba mytni Litvy. Jany tyčacca hruzapieravozak.
![](http://d3kcf2pe5t7rrb.cloudfront.net/img/w840d4webp1/photos/stock/img_9237-ajmfx.jpg.webp)
Ciapier biełaruskim aŭtatranspartnym kampanijam zabaroniena pieravozić tavary pa terytoryi Jeŭrasajuza, navat tranzitam. Heta tyčycca i pryčepaŭ abo paŭpryčepaŭ, zarehistravanych u Biełarusi, niezaležna ad krainy rehistracyi ciahačoŭ.
Novyja abmiežavańni zapracujuć 2 žniŭnia 2024 hoda. Zabarona budzie raspaŭsiudžvacca na aŭtatranspartnyja pradpryjemstvy ŭ Jeŭrasajuzie, kali 25% abo bolš ich ułasnaści naležyć biełaruskim asobam abo arhanizacyjam i kali hetyja kampanii byli stvoranyja paśla 8 krasavika 2022 hoda. Niekatoryja z hetych zabaronaŭ buduć uvodzicca pastupova, z kančatkovymi terminami ŭ žniŭni, kastryčniku 2024 hoda i studzieni 2025 hoda.
Jak patłumačyła litoŭskaja mytnia, abmiežavalnyja miery ŭviali zhodna z pryniatym 29 červienia 2024 hoda jeŭrapiejskim pakietam sankcyj.
Łatvija z 16 lipienia zabaraniaje ŭjezd mašyn ź biełaruskimi numarami
Polšča bolš nie puskaje biełaruskija aŭtamabili, kali ŭłaśnika niama ŭ sałonie. Što jašče źmianiłasia
Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach
Čamu Polšča zabaraniła vyvaz tavaraŭ fizičnym asobam i jakija tavary ciapier nielha pravieźci?
Kamientary