«Nie pieranošu sekandaŭ». Boty pajšli ŭ ataku na sekand-chendy
«Svajo biełaruskaje ŭ sto razoŭ lepšaje!» — śćviardžajuć jany.
![](http://d3kcf2pe5t7rrb.cloudfront.net/img/w840d4webp1/photos/z_2024_08/-jvb4e.jpg.webp)
Karotkaje videa ab rašeńni Jeŭrasajuza zabaranić uvoz u Biełaruś sekand-chendu nabrała amal try sotni kamientaroŭ. Chtości škaduje, što ciapier biełarusy straciać mahčymaść nabyvać jakasnyja brendavyja rečy pa nizkich cenach, chtości sumniajecca, što hetyja sankcyi buduć vykonvacca.
Pryjšli i boty: ich charakternyja kamienty napisanyja z roznych akaŭntaŭ, ale stylistyka vielmi padobnaja, pad kapirku. Jany taksama łajkajuć adzin adnaho.
Internet-boty atrymali zadańnie pakazać, što biełarusy ŭ sekandy nie chodziać, a kuplajuć vyklučna pradukcyju biełaruskich fabryk.
Aŭtary śćviardžajuć, što nie pieranosiać sekandaŭ i nikoli tam ničoha nie nabyvali. Nazyvajuć sekand, navat brendavy, abnoskami.
![Bots about the ban on the import of second-hand goods to Belarus Boty o zaprietie vvoza siekond-chienda v Biełaruś Boty pra zabaronu ŭvozu ŭ Biełaruś sekand-chendu](http://d3kcf2pe5t7rrb.cloudfront.net/img/w732d4webp1/photos/z_2024_08/-u5lm7.jpg.webp)
Pry hetym na ŭsie łady chvalać biełaruskuju pradukcyju, zajaŭlajučy, što lubiać biełaruskaje, biełaruskaje — lepšaje, «u Biełarusi šyjuć takoje adzieńnie, što brendy pobač nie stajali».
![Bots about the ban on the import of second-hand goods to Belarus Boty o zaprietie vvoza siekond-chienda v Biełaruś Boty pra zabaronu ŭvozu ŭ Biełaruś sekand-chendu](http://d3kcf2pe5t7rrb.cloudfront.net/img/w732d4webp1/photos/z_2024_08/3-70o7n.jpg.webp)
Zajaŭlajuć, što «lepš svajo, čym čužoje» i zaklikajuć raźvivać biełaruskaje.
![Bots about the ban on the import of second-hand goods to Belarus Boty o zaprietie vvoza siekond-chienda v Biełaruś Boty pra zabaronu ŭvozu ŭ Biełaruś sekand-chendu](http://d3kcf2pe5t7rrb.cloudfront.net/img/w732d4webp1/photos/z_2024_08/-yjard.jpg.webp)
«Dziŭna, pračytała kamientary i ŭsie jak adzin śćviardžajuć što sekand fu i nichto nie karystajecca, a adkul ža ŭzialisia 80 miljonaŭ dołaraŭ [prodažaŭ]?», — zadajecca pytańniem adna z karystalnic.
![Bots about the ban on the import of second-hand goods to Belarus Boty o zaprietie vvoza siekond-chienda v Biełaruś Boty pra zabaronu ŭvozu ŭ Biełaruś sekand-chendu](http://d3kcf2pe5t7rrb.cloudfront.net/img/w732d4webp1/photos/z_2024_08/-jo2dg.jpg.webp)
Kamientary