Na im vice-prezident Kamała Charys aficyjna prymie naminacyju kandydatam u prezidenty. A taksama faktyčna prezientuje svajho muža, jaki moža stać pieršym u historyi «pieršym džentlmienam ZŠA».
![](http://d3kcf2pe5t7rrb.cloudfront.net/img/w840d4webp1/photos/z_2024_08/harris_ap240819-oavrn.jpg.webp)
U Čykaha adkryvajecca pieradvybarčy źjezd Demakratyčnaj partyi, na jakim vice-prezident Kamała Charys aficyjna prymie naminacyju kandydatam u prezidenty — praź miesiac paśla taho, jak prezident Džo Bajden, jaki vystupiŭ katastrafična na debatach z Donaldam Trampam, abviaściŭ pra vychad z honki, piša Radyjo Svaboda.
Uvachod Charys u kampaniju imkliva abjadnaŭ partyju i vyklikaŭ vielizarny pryliŭ entuzijazmu — zamiest kandydata, jakoha pieravažnaja bolšaść vybarščykaŭ ličyli zanadta starym dla novaha terminu, demakraty iduć na vybary ź vielmi maładym u paraŭnańni z Trampam palitykam (jana maładziejšaja za Trampa na 18 hadoŭ), jakaja moža stać pieršaj žančynaj-prezidentam ZŠA, da taho ž afraamierykanskaha i azijacka-amierykanskaha pachodžańnia.
Farmalna, delehaty partyi ŭžo prahałasavali za Charys virtualna ŭ pačatku žniŭnia, tak što meta źjezdu — pradstavić jaje krainie jak kandydata ad demakrataŭ.
Bajden u jakaści kandydata pavinien byŭ by vystupać na zakryćci źjezdu ŭ čaćvier, ale ciapier jaho pramovu pieranieśli na pieršy, najmienš prykmietny dzień (mahčyma, kab dystancavać Charys ad niepapularnaha prezidenta). Zrešty, delehataŭ na ŭvachodzie sustrakaje cytata z pramovy Bajdena ab vychadzie z honki «Historyja ŭ vašych rukach».
U paniadziełak taksama vystupić byłaja dziaržsakratarka i kandydat u prezidenty Chiłary Klintan.
U aŭtorak — vystup Abamy, i nie tolki byłoha prezidenta, ale, pa paviedamleńniach ŚMI, i jaho žonki Mišel — adnoj z samych papularnych fihur u amierykanskaj palitycy (jakoj jana zaŭsiody curałasia, što nie pieraškadžała mnohim maryć pra jaje jak prezidenia).
Taksama vystupić «druhi džentlmien» ZŠA, muž Charys Duh Emchaf.
U sieradu na źjeździe vystupiać były prezident Bił Klintan i eks-śpikier Nensi Pełosi, jakija adnymi ź pieršych padtrymali kandydaturu Charys (Abamy zajavili ab padtrymcy tolki praź niekalki dzion). I ŭ sieradu prymie naminacyju ŭ jakaści kandydata ŭ vice-prezidenty Cim Uołz, źjaŭleńnie jakoha ŭ vialikaj palitycy vyklikała vialiki entuzijazm u demakrataŭ.
U čaćvier naminacyju prymie sama Charys.
Za čatyry tydni jana źmianiła kampaniju, rezka padniaŭšysia ŭ apytańniach i pryciahvajučy, u pryvatnaści, moładź i niabiełych vybarščykaŭ. Jaje ton, enierhičny i radasny, kantrastuje z adčuvańniem ad kampanii Bajdena, jaki budavaŭ jaje na strachu pierad viartańniem Trampa.
Źjezdu demakrataŭ z Charys i Uołzam pradkazvajuć ščaślivuju atmaśfieru, uspaminajučy tancy pad «Makarenu» na Kanviencyi ŭ Čykaha ŭ 1996 hodzie pierad pieravybrańniem Biła Klintana.
Adnak, mahčyma, demakratam pryjdziecca ŭspomnić ich źjezd u Čykaha ŭ 1968 hodzie.
Tady, na chvali masavych pratestaŭ suprać vajny ŭ Vjetnamie, prezident Lindan Džonsan admoviŭsia iści na pieravybrańnie, i «adkryty» źjezd, na jakim adzin adnamu supraćstajali roznyja frakcyi partyi, prachodziŭ u abstanoŭcy antyvajennych manifiestacyj i biesparadkaŭ u horadzie. Vice-prezident Chamfry, jaki atrymaŭ naminacyju, prajhraŭ vybary Niksanu.
Zaraz u Čykaha płanujuć pratesty prapaleściskija hrupy, jakija niezadavolenyja padtrymkaj Izraila administracyjaj Bajdena i paličyli, što Charys praciahnie hetuju liniju. Siarod amal 5 tysiač delehataŭ źjezdu jość niekalki dziasiatkaŭ, abranych na prajmieryz «ni za kaho» — jak častka prapaleścinskich pratestaŭ.
Charys pieramahaje. Za jaje ŭ siarednim 48%, za Trampa — 46%
Tramp i Charys praviaduć debaty na telekanale ABC
Bajden raskazaŭ, jakaja dla jaho ciapier najvažniejšaja zadača
Kandydat u vice-prezidenty ZŠA žorstka raskrytykavaŭ Trampa
Kamała Charys vyznačyłasia sa svajoj kandydaturaj na vice-prezidenta ZŠA
Kamientary
Nikuda ona riezko nie podniałaś za isklučienijem podobnych propahandistskich statiejek. U nieje na vstriečach 250 - 300 čiełoviek, a koda ona otryvajetsia ot bumažki to niesiet takuju achinieju čto poniať jeje voobŝie nievozmožno.