Matčy hrupavoj stadyi jeŭrakubka minskaje «Dynama» budzie pravodzić u Azierbajdžanie
Staličny kłub harantavaŭ jak minimum sabie ŭdzieł u hrupavoj stadyi Lihi kanfierencyj-2024/25.
![](http://d3kcf2pe5t7rrb.cloudfront.net/img/w840d4webp1/photos/z_2024_08/1723788023-jrsrd.jpg.webp)
Jak paviedamiŭ telekanał «Biełaruś 5», chatnija matčy futbolnaj jeŭravosieni kamanda budzie pravodzić u azierbajdžanskim Sumhaicie. Tam raźmiaščajecca stadyjon imia Miechci Husiejnzade.
U raŭndzie płej-of kvalifikacyi Lihi Jeŭropy «Dynama» sustreniecca ź bielhijskim «Anderlechtam». Pieršy matč adbudziecca ŭ hetym čaćvier, matč u adkaz — praz tydzień.
Kali «Dynama» projdzie bielhijcaŭ, to budzie hulać u asnoŭnym raŭndzie Lihi Jeŭropy (druhim pa ranžyry jeŭrakubku), kali prajhraje, to vystupić u asnoŭnaj stadyi Lihi kanfierencyj (treci pa značnaści jeŭraturnir).
Paśla ŭvarvańnia Rasii va Ukrainu jeŭrapiejskimi futbolnymi čynoŭnikami, u adroźnieńnie ad pakarańnia Rasii, byli nakładzienyja minimalnyja sankcyi na biełaruski futboł. Kamandam i zbornym zabaranili prymać kłuby i zbornyja ŭ Biełarusi, dazvoliŭšy hulać na niejtralnym poli i biez hledačoŭ. Dva z pałovaj hady biełarusy prymali supiernika ŭ Sierbii, a potym Vienhryi.
Kamientary