Zamiežnyja studenty pryjazdžajuć u Hrodzienski dziaržuniviersitet, kab nielehalna pierajści miažu
Za šeść miesiacaŭ 2024 hoda ŭ Leninskim rajonie Hrodna zaviali piać kryminalnych spraŭ suprać zamiežnych studentaŭ Hrodzienskaha dziaržuniviersiteta imia Janki Kupały.
![](http://d3kcf2pe5t7rrb.cloudfront.net/img/w840d4webp1/photos/z_2024_07/stud240715-46zpo.jpg.webp)
Niekatoryja ź ich udzielničali ŭ arhanizacyi niezakonnaj mihracyi. Pra heta stała viadoma padčas sustrečy supracoŭnikaŭ adździaleńnia pa hramadzianstvie i mihracyi z zamiežnymi studentami, piša hrodna.life.
Taksama 133 zamiežnyja studenty HrDU imia Janki Kupały pryciahnuli da administracyjnaj adkaznaści. Ahułam jany ździejśnili 220 pravaparušeńniaŭ. U inšych hrodzienskich VNU kolkaść parušeńniaŭ mienšaja: u Hrodzienskim dziaržaŭnym miedyčnym univiersitecie — 83, a ŭ Hrodzienskim dziaržaŭnym ahrarnym univiersitecie — vosiem.
Pryjazdžajuć, kab niezakonna pierasiakać miažu
Supracoŭnik mihracyjnaj słužby skazaŭ, što ich chvaluje značny pracent studentaŭ HrDU, jakija pryjechali ŭ Biełaruś, kab ździejśnić sprobu niezakonnaha pierasiačeńnia miažy ŭ krainy Jeŭrasajuza.
U červieni 2024 hoda zatrymali dvuch hramadzian — vychadcaŭ z Čada i Kamorskich vyspaŭ. Jany ŭ składzie hrupy ŭdzielničali ŭ arhanizacyi niezakonnaj mihracyi. Suprać ich zaviali kryminalnuju spravu pa art. 371−1 KK (arhanizacyja niezakonnaj mihracyi). Zaraz jany znachodziacca ŭ SIZA. Im pahražaje termin ad troch da siami hadoŭ pazbaŭleńnia voli.
Kamientary