Pieralik vidaŭ dziejnaści, jakimi možna budzie zajmacca ramieśnikam, stanie mienš u paraŭnańni ź dziejnym. Pra heta raspavioŭ ministr ekanomiki Juryj Čabatar, piša BiełTA.
Pavodle jaho słoŭ, na siońniašniaj naradzie Alaksandra Łukašenki z kiraŭnictvam urada abmierkavali ŭkaz ab ažyćciaŭleńni fizičnymi asobami ramiesnaj dziejnaści. Kali jon budzie pryniaty, urad zaćvierdzić i kankretny pieralik takich vidaŭ dziejnaści.
— Asnoŭnaje patrabavańnie da hetaha pieraliku my vypracavali i siońnia ŭzhadnili.
Heta pierš za ŭsio zachavańnie aŭtentyčnych, samabytnych našych ramiostvaŭ.
Usio heta pavinna vyrablacca ramieśnikami svaimi rukami i z dapamohaj prymityŭnych pryład pracy, — adznačyŭ Juryj Čabatar.
Jon taksama dadaŭ, što vidaŭ dziejnaści dla ramieśnikaŭ stanie mienš u paraŭnańni z tym pieralikam, jaki dziejničaŭ u Biełarusi raniej. Zachavać u im płanujuć vyklučna samabytnyja raznavidnaści ramiostvaŭ.
— Heta značyć tyja vidy, jakija papularnyja i raźvityja, naprykład, vyrab vyrabaŭ z epaksidnaj smały, hipsu, varyć myła… tut niama našaj biełaruskaj samabytnaści. Značyć, takija vidy dziejnaści z hetaha pieraliku źniknuć, — padsumavaŭ ministr.
Jak skłałasia žyćcio vunderkinda z Žodzina, jaki ŭ 12 hadoŭ pastupiŭ u miedycynski ŭniviersitet?5
Kamientary