U horadzie Sankt-Halen u Šviejcaryi ad ruk mužčyny, uzbrojenaha mačete, paciarpieli piać čałaviek — siarod ich ciažarnaja žančyna i dzieci. Pa infarmacyi palicyi, mierkavany złačyniec — 34-hadovy miascovy žychar, piša Bild.
Pa słovach vidavočcaŭ, pieršapačatkova mužčyna doma napaŭ na ciažarnuju žančynu. Kali jaje baćka kinuŭsia na dapamohu dačce, złačynca paraniŭ i jaho, a zatym vybieh z mačete na vulicu. Tam jon paraniŭ druhuju žančynu i jaje trochmiesiačnaje dzicia, a taksama susieda, jaki ŭ rešcie rešt zmoh abiasškodzić napadnika.
U palicyi śćviardžajuć, što ŭ złačyncy jość surjoznyja psichałahičnyja prablemy. U jaho kvatery palicyjanty vyjavili raźlituju lohkaŭzharalnuju vadkaść i hazavyja bałony. Z-za ryzyki vybuchu ŭsich jaho susiedziaŭ evakujavali.
Paciarpiełych apieryrujuć u balnicy. Pa słovach daktaroŭ, ich žyćciam ničoha nie pahražaje.
Kamientary