«Vialikuju Ajčynnuju vajnu» ličyć samaj značnaj padziejaj u historyi tolki tracina biełarusaŭ — Instytut sacyjałohii
Pra toje, jak žychary Biełarusi aceńvajuć rolu «Vialikaj Ajčynnaj vajny» ŭ historyi i sučasnaści, daviedaŭsia Instytut sacyjałohii Akademii navuk. Tolki tracina apytanych (30,2 %) ličać jaje najbolš značnaj padziejaj u historyi XX stahodździa, a 56,7% respandentaŭ usprymajuć hetu vajnu jak nacyjanalnuju trahiedyju, piša Thinktanks.by
Taki vynik Instytut sacyjałohii Akademii navuk atrymaŭ u chodzie daśledavańnia, praviedzienaha ŭ lutym—sakaviku 2024 hoda, u jakim paŭdzielničała 900 respandentaŭ.
Jak śviedčyć apytańnie, 23,8% nasielnictva razhladajuć «Vialikuju Ajčynnuju» jak adnu z mnostva vojnaŭ u historyi Biełarusi.
Adkazy na pytańnie, z čym asacyjujecca heta vajna, raźmierkavalisia nastupnym čynam:
- z masavym partyzanskim rucham (60,6 %);
- abaronaj Bresckaj krepaści (60,3 %);
- nacyjanalnaj trahiedyjaj (56,7%);
- ciažkimi stratami biełaruskaha naroda (56,0%);
- vyzvaleńniem Biełarusi ad zachopnikaŭ (52%);
- supracivam minskich padpolščykaŭ (40,6 %).
Pry prośbie nazvać hierojaŭ «Vialikaj Ajčynnaj vajny» 30% nie zmahli ŭspomnić nivodnaha proźvišča, 18,8% nazvali Hieorhija Žukava, 17,9% — Zoju Kasmadziamjanskuju, 14,3% — Marata Kazieja, 12,6% — Mikałaja Hastełu.
Amal u kožnaha druhoha biełarusa dziady i babuli prymali ŭdzieł u vajnie (49,5%), u kožnaha piataha — inšyja svajaki (dziadźki/ciotki, braty/siostry) (20,9%) i pradziedy, prababuli (20,7%). Tolki 12,7% žycharoŭ krainy pakazali, što nichto ź ich svajakoŭ nie vajavaŭ. Nie zmahli adkazać 5,3% respandentaŭ.
Krynicy viedy pra vajnu:
- dakumientalnyja (51,9 %) i mastackija (45,8%) filmy;
- raspoviedy rodnych i blizkich ludziej (46%);
- prahramy Biełaruskaha telebačańnia (38,5 %);
- mastackaja litaratura pra vajnu (38,5 %);
- vučebnyja prahramy škoł i VNU (36,9 %);
- tematyčnyja internet-resursy (35,9 %);
- muziei, vystavy, miemaryjały (34,8 %);
- navukova-histaryčnaja litaratura (31,1 %);
- asabistyja razmovy ź vieteranami, śviedkami vajny (28,1 %).
Stała viadoma, što za žančyna-pravakatarka chadziła pa Breście z rasijskim ściaham z Z-simvolikaj
Akademija adukacyi da jubileju vyzvaleńnia Biełarusi praviadzie kanfierencyju pad nastalhičnaj nazvaj
Kamunisty niečakana vystupili suprać pierajmienavańnia vulicy Kalinoŭskaha ŭ Minsku
Zamazvać «pieramožnuju» simvoliku na byłym polskim docie pad Lachavičami adpravili beeresemaŭcaŭ
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj26
Kamientary
3 - nu točna niejkaje mahičnaje čysło
dla niekatorych