Kiraŭnik Centra vydačy asabistych dakumientaŭ Litvy adchileny ad pasady paśla rasśledavańnia BRC
Nieryjus Rudajcis, jaki ŭznačalvaŭ centr vydačy asabistych dakumientaŭ Litvy (ADIC), byŭ adchileny z pasady paśla rasśledavańnia BRC pra suviaź z režymam Łukašenki. Pra heta paviedamlaje BRC sa spasyłkaju na 15min.lt — suaŭtaraŭ rasśledavańnia. Mienavita heta firma stała partnioram vyrabu «pašparta Novaj Biełarusi».
Raniej rasśledavalniki vyśvietlili, što litoŭskaja kampanija Garsų pasaulis, jakaja drukavała błanki dakumientaŭ dla hramadzian Litvy i abranaja dla druku pašpartoŭ «Novaj Biełarusi», źviazanaja ź firmaj GP Holographics i biełaruskim biznesoŭcam Viktaram Šaŭcovym, nabližanym da Łukašenki.
Zaraz pravierku ŭ dačynieńni da Garsų pasaulis viaduć adnačasova Słužba pa rasśledavańni finansavych złačynstvaŭ i Departamient dziaržaŭnaj biaśpieki Litvy, piša BRC.
Vyniki pravierak mohuć pryvieści da anulavańnia kantraktu Garsų pasaulis ź litoŭskim MUS. Z 2014 hoda kampanija vyjhrała ŭsie try tendary na vyrab błankaŭ pašpartoŭ u Litvie, apošni ź jakich byŭ u 2022 hodzie na sumu bolš za 30 młn jeŭra.
Pa słovach namieśnika ministra ŭnutranych spraŭ Litvy Ahniety Ładek, u vypadku skasavańnia kantraktu z Garsų pasaulis MUS razhledzić alternatyŭnyja varyjanty druku dakumientaŭ i ŭličyć vopyt Polščy i Hiermanii, dzie pašparty vyrablajuć dziaržaŭnyja kampanii.
Litoŭskaja dziaržbiaśpieka rasśleduje pytańnie mahčymaj suviazi kampanii, źviazanaj z vyrabam pašpartoŭ Novaj Biełarusi, z režymam Łukašenki
«Zakazny artykuł z metaj dyskredytacyi». Hieroj rasśledavańnia pra pašpart Novaj Biełarusi raskazvaje svaju viersiju padziej
Kampanija, jakaja prapanoŭvała svaje pasłuhi druku «pašparta Novaj Biełarusi», źviazanaja ź biznesoŭcam, nabližanym da Łukašenki
Vaskrasienski: Treba, kab Sikorski pryvioz padarunak Łukašenku. A Bialacki i 20 zavadataraŭ vyjduć apošnimi41
Kamientary
Heta ž treba było dadumacca: idzie vajna, mihranty šturmujuć miežy - a jany drukujuć hałoŭny dakument dla hramadzianaŭ praz hamaniec Łukašenki! Jak jašče im amierykancy niejkuju zbroju daviarajuć.