Hramadstva2424

Kampanija, jakaja prapanoŭvała svaje pasłuhi druku «pašparta Novaj Biełarusi», źviazanaja ź biznesoŭcam, nabližanym da Łukašenki

Ab hetym śviedčyć novaje rasśledavańnie Biełaruskaha rasśledavalnickaha centra. Što heta za biznesmien i jak takoje mahło zdarycca.

Valery Kovalevsky, Sviatlana Tsikhanovskaya, Nikita Zabuga, Viktar Shautsou, Alexander Lukashenko Valeryj Kavaleŭski, Śviatłana Cichanoŭskaja, Mikita Zabuha, Viktar Šaŭcoŭ, Alaksandr Łukašenka Valeryj Kavaleŭski, Śviatłana Cichanoŭskaja, Mikita Zabuha, Viktar Šaŭcoŭ, Alaksandr Łukašenka
Valeryj Kavaleŭski, Śviatłana Cichanoŭskaja, Mikita Zabuha, Viktar Šaŭcoŭ, Alaksandr Łukašenka. Kałaž: BRC

Jak paviedamiŭ žurnalistam Biełaruskaha rasśledavalnickaha centra (BRC) pradstaŭnik Abjadnanaha pierachodnaha kabinieta pa zamiežnych spravach Valeryj Kavaleŭski, dla druku pašpartoŭ «Novaj Biełarusi» vybrali litoŭskuju kampaniju UAB Garsų pasaulis (u pierakładzie — «śviet hukaŭ»). Kantraktu ź joj pakul niama, ale padpisany miemarandum ab supracoŭnictvie i praviedziena vialikaja padrychtoŭčaja rabota.

Garsų pasaulis drukuje pašparty dla hramadzian Litvy i zdajecca dobrym partnioram dla demakratyčnych siłaŭ Biełarusi. Adnak žurnalisty BRC vyśvietlili, što kampanija daŭno maje dziełavyja suviazi z pradpryjemstvam, značnaja dola jakoha naležyć biznesmienu Viktaru Šaŭcovu.

Chto taki Šaŭcoŭ

U adnym sa svaich rasśledavańniaŭ BRC pakazaŭ, jak Šaŭcoŭ razam ź biełaruskaj dziaržavaj z 2007 hoda da pačatku 2020-ch zarablaŭ na prajektach ZAT «Biełzamiežbud» u Vieniesuele. Akramia hetaha, jon byŭ adnym z uładalnikaŭ Trastbanka, jaki ŭ 2004 hodzie nazyvaŭsia AKB «Infabank». Hety bank ZŠA zapadozryli ŭ admyvańni hrošaj dla režymu Sadama Chusejna i ŭviali suprać jaho sankcyi.

Jak udałosia vyśvietlić, Garsų pasaulis z 2016 pa 2022 hod źjaŭlałasia akcyjanieram sumiesnaha biełaruska-litoŭskaha pradpryjemstva UAB GP Holographics, jakoje znachodzicca ŭ Litvie i vyrablaje achoŭnyja hałahramy dla jeŭrapiejskaha rynku. Siarod inšych akcyjanieraŭ — Viktar Šaŭcoŭ, ZAT «Hałahrafičnaja industryja» i jaje ŭładalnik Alaksandr Babareka.

Da listapada 2023 hoda Šaŭcovu naležała 40% akcyj GP Holographics. Paśla jaho dola stała składać 70%.

Jak raskazała dyrektar Garsų pasaulis Anie Janaŭskijenie, supracoŭnictva pamiž jaje kampanijaj i ZAT «Hałahrafičnaja industryja» pačałosia kala 15 hadoŭ tamu, ale było spyniena paśla pačatku vajny va Ukrainie.

Chto pryciahnuŭ u prajekt pašparta litoŭskuju kampaniju

Pa słovach Kavaleŭskaha, Garsų pasaulis u jakaści partniora prajektu pašparta «Novaj Biełarusi» rekamiendavaŭ hramadzianin Biełarusi Mikita Zabuha. Jon źjaŭlajecca kiraŭnikom kampanii Pahonia, VšĮ, pad jakoj u Litvie zarehistravana Hieraldyčnaja rada.

Da pierajezdu ŭ 2003 hodzie ŭ Litvu Zabuha pracavaŭ śledčym va Upraŭleńni Śledčaha kamiteta pa Minskaj vobłaści, a taksama ŭ atradzie apieratyŭnaha reahavańnia i vyšuku DAI UUS Hrodzienskaha abłvykankama.

Žurnalisty źviartajuć uvahu, što mužčyna, akramia aktyŭnaj miecenackaj dziejnaści ŭ śfiery kultury i historyi Biełarusi, źjaŭlaŭsia i praciahvaje źjaŭlacca saŭładalnikam biełaruskich kampanij, dźvie ź jakich u 2012-2015 hadach mieli toj ža jurydyčny adras, što i Astravieckaje RAUS.

Pa słovach hałoŭnaha daradcy Śviatłany Cichanoŭskaj Franaka Viačorki, jon nie viedaŭ pra biznes-aktyŭnaści Zabuhi ŭ Biełarusi paśla 2020 hoda. Viačorka paabiacaŭ pravieryć hetuju infarmacyju i adznačyŭ, što Ofis Śviatłany Cichanoŭskaj nie maje pracoŭnych adnosin z Zabuham.

Žurnalisty BRC śćviardžajuć, što sprabavali ŭziać kamientar u Viktara Šaŭcova. Ale ni na zvanki, ni na piśmovy zapyt biznesmien nie adkazaŭ.

Kamientary24

  • Vyniki ich "pracy" my vydatna bačym
    28.05.2024
    Ups, śvieta i ko znoŭ niejkuju łuchtu nie chacia zmarozili, znoŭ maleńkaja pamyłačka ale jany ŭ nas małajcy bo ŭsio robiać i robiać, tolki vyniki ich "pracy" my vydatna bačym...
  • Cikaviec
    28.05.2024
    Moža ŭ Litvie ŭsie kampanii na Bałaruś pracujuć i na joj zarablajuć?
  • Zianon
    28.05.2024
    Mieŭ racyju Paźniak

Zamach na Donalda Trampa: u jaho stralali ŭ čas vystupu ŭ Piensilvanii69

Zamach na Donalda Trampa: u jaho stralali ŭ čas vystupu ŭ Piensilvanii

Usie naviny →
Usie naviny

Paźniak pierakanany, što ŭ druhim tury vybaraŭ-1994 pieramoh by Łukašenku118

Miesiacy karcaru i dva z pałovaj hady biez sonca. Jak małady minčuk prajšoŭ praz kałoniju i krytuju turmu5

Novyja Patriot i SAMP/T nie zmohuć abaranić Charkaŭ, Sumy, Mikałajeŭ i Čarnihaŭ — analityki

Za 40 km ad Minska jość unikalny biaspłatny hidrapark z vadaspadami, lesam, plažami i navat «džakuzi»2

U Biełaruś znoŭ zalacieŭ šachied. Hetym razam jon dabraŭsia da Viciebska12

U Kobrynie bolš nie budzie vulicy Kalinoŭskaha12

Samit NATA pakazaŭ adsutnaść mocnaha lidara nakštałt Čerčyla — Bild3

Kaho siońnia možna nazvać sapraŭdnym patryjotam Biełarusi? Hutarka ź fiłosafam Barkoŭskim13

Hramadzianina Indyi, jak miarkujecca, uziali ŭ zakładniki ŭ Biełarusi9

bolš čytanych navin
bolš łajkanych navin

Zamach na Donalda Trampa: u jaho stralali ŭ čas vystupu ŭ Piensilvanii69

Zamach na Donalda Trampa: u jaho stralali ŭ čas vystupu ŭ Piensilvanii

Hałoŭnaje
Usie naviny →