Hramadstva55

Z adrestaŭravanaha kinateatra «Pieramoha» prybrali Pahoniu

Ciapier zamiest pano ŭ staličnym kinateatry pustaja ściana. 

Zamiest vieršnikaŭ, zmalavanych z histaryčnaha hierba «Pahonia», ciapier pustaja ściana. 

5 lipienia ŭ Minsku byŭ adkryty paśla praciahłaj rekanstrukcyi kinateatr «Pieramoha». Byli adrestaŭravany fasady i interjery, adnoŭleny stračanyja elemienty i viernuta aŭtentyčnaja kałarystyka. Ale nie abyšłosia i bieź ideałahičnych strat.

Pano z ratušaj i Pahoniami ŭ kinateatry da rekanstrukcyi. Fota: Bank źviestak ab historyka-kulturnaj spadčynie Biełarusi

Pieršym sustrakaje novych naviedvalnikaŭ faje. Tut, vyšej za karniz, paŭkružžy ścien pad sklapieńniami ŭpryhožvaje sieryja žyvapisnych pano. Ale kožny moža zaŭvažyć, što adnaho ź ich, u levym tarcy, nie staje — zamiest jaho pafarbavanaja ŭ čyrvony ściana.

Pano vykanany ŭ adnym styli na temu staražytnaj biełaruskaj historyi. Na pustym miescy da rekanstrukcyi znachodziłasia pano, na jakim była namalavanaja ratuša i čatyry vieršniki, dakładna takija, jak na staražytnych vyjavach hierba «Pahonia», jakija skačuć ad jaje ŭ roznyja baki.

Faje kinateatra biez pano z Pahoniami. Fota: BiełTA

Vierahodna, hetyja razmaloŭki ŭ 1990-ja hady vykanali tyja ž mastaki Andrej Zadoryn, Viačasłaŭ Lemačka i Vasil Baranaŭ, jakija zrabili maštabny rośpis, vyjaŭleny pry padrychtoŭcy da rekanstrukcyi kinateatra ŭ 2022 hodzie. Na žal, piareharadku, na jakoj jon raźmiaščaŭsia, razabrali razam z rośpisam. Ad jaho byli zachavanyja tolki niekalki frahmientaŭ.

Pano z carkvoj i vieršnikami, vykananymi ŭ maniery maskoŭskaha ikanapisu, da rekanstrukcyi. Fota: Anłajnier
Ideałahična biaśpiečnych «maskoŭskich» vieršnikaŭ viarnuli na raniejšaje miesca. Fota: Minharvykankam

Źniknieńnie tolki adnaho z pano inakš jak tym, što vyjava nie prajšła ideałahičnuju pravierku, niemahčyma patłumačyć. 

Naprykład, anałahičnaje pano na inšym kancy faje, na jakim adlustravany chram i taksama čatyry vieršniki, ale vykananyja ŭ maniery maskoŭskaha ikanapisu — Śviaty Hieorhij pieramahaje źmieja, — zastałosia na svaim miescy. 

Rendar prajekta rekanstrukcyi. Pano ŭ faje z Pahoniami mierkavali zachavać. Fota: SB Biełaruś siehodnia

Małavierahodna, što adno pano ź sieryi nie paśpieli za niekalki hadoŭ rekanstrukcyi adrestaŭravać. Zachoŭvałasia jano i pavodle prajektnych rašeńniaŭ — prynamsi jaho možna bačyć na rendarach interjeraŭ.

Na čas rekanstrukcyi pano zdymali na restaŭracyju. Fota: SB Biełaruś siehodnia

Pano ŭ faje, vidać, byli zrobleny nie na samoj ścianie, a na zdymnych pavierchniach, tamu što na fotazdymkach pamiaškańnia ŭ čas restaŭracyi bačna, što jany źniaty z usich bakoŭ. Heta aznačaje, što pano z Pahoniami nie zamalavanaje źvierchu, a prosta nie viernutaje na svajo miesca.

«Naša Niva» — bastyjon biełaruščyny

PADTRYMAĆ

Kamientary5

  • Humaryst
    06.07.2024
    Atrymlivajecca, što pieramoha apynułasia zradaj!
  • Antrapołah
    06.07.2024
    Norm. Eto kinotieatr, a nie muziej hystoryji biełaruśji 1991-1996.
  • Niejak tak
    07.07.2024
    Asia K, dla taho i "rekantrukcyju" zaciejali maskavityja.

Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?13

Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?

Usie naviny →
Usie naviny

Scenarysta z Barysava buduć sudzić za «zakliki da sankcyjaŭ»3

Byłaja aŭstryjskaja ministarka, što tančyła z Pucinym, pierajechała ŭ novy dom pad Razańniu z katami, kurami i kačkami1

Šviedskaja zorka chip-chopa ź minskaha padjezda. Chto taki Yung Lean3

33 hady tamu bieł-čyrvona-bieły ściah i hierb «Pahonia» stali aficyjnymi dziaržaŭnymi simvałami7

Iranskija chakiery pierasłali kradzienuju infarmacyju sa štaba Trampa ŭ štab Bajdena — FBR4

Aŭtapierahonny biznes — usio? Chutka stanie nielha pradavać rasijanam śviežapryhnanyja mašyny ź ES i ZŠA1

Stała viadoma, jak budzie vyhladać były aŭtavakzał «Uschodni» ŭ Minsku. Tam budzie i łabaratoryja dronaŭ FOTY8

Vybuch hihanckaha składa bojeprypasaŭ u Ćviarskoj vobłaści: što viadoma na hety momant6

U Armienii zajavili pra praduchileńnie dziaržaŭnaha pieravarotu. Ślady viaduć u Rasiju3

bolš čytanych navin
bolš łajkanych navin

Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?13

Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?

Hałoŭnaje
Usie naviny →