Padčas teraktu ŭ Tel-Avivie žančyna vyratavała maleńkaha syna, zakryŭšy jaho ad kul svaim ciełam
33-hadovaja fitnes-trenier Inbar Siehieŭ-Vihder stajała na tramvajnym prypynku sa svaim maleńkim dzieviacimiesiačnym synam Ary na rukach. U hety momant dvoje terarystaŭ CHAMAS, uzbrojenyja aŭtamatami, adkryli ahoń pa minakach, piša Bild.
Pa słovach vidavočcaŭ, Inbar zakryła dzicia svaim ciełam — u vyniku jana pamierła na miescy ad atrymanych ranieńniaŭ. Razam ź joj terarysty zabili jašče šeść čałaviek i paranili 17. Dzicia Inbar vyžyła — jaho z-pad niežyvoha cieła maci vyciahnuli dvoje inšych minakoŭ. Paźniej niemaŭla pieradali ratavalnikam.
Muž Inbar Jaary Vihder daviedaŭsia pra terakt u Tel-Avivie praktyčna adrazu ž. Jon nie zmoh datelefanavacca da žonki i pajechaŭ na miesca, dzie adbyłasia stralanina.
Svajho syna Ary jon pabačyŭ u najbližejšaj balnicy biez adzinaj drapiny, tam ža jamu paviedamili pra śmierć žonki.
Izrailskija ŚMI paviedamlajuć, što Jaary i Inbar pažanilisia tolki letaś. Ary naradziŭsia niezadoŭha da taho, jak jaho baćku pryzvali ŭ izrailskuju armiju ŭ jakaści reziervista i nakiravali ŭ siektar Haza.
«Jana była maim samym vialikim kachańniem i vydatnaj maci, poŭnaj śviatła i lubovi», — uspaminaje Jaary svaju žonku
Inšy reziervist izrailskaj armii — Leŭ Krajtman— u toj momant, kali pačulisia streły, abiedaŭ u restaranie niepadalok. Jak i naležyć reziervistu CACHAŁ, jon mieŭ pry sabie zbroju. Pačuŭšy streły, jon pabieh da aŭtobusnaha prypynku i ŭbačyŭ dvuch terarystaŭ, jakija ŭciakali. Krajtman zastreliŭ adnaho ź ich i ciažka paraniŭ druhoha.
KDB zatrymaŭ žančynu, z doma jakoj było źniata videa padzieńnia šachieda ŭ Kalinkavičach39
Kamientary