Skončyłasia ŭsio trahična.
Ilustracyjnaje fota.
Pad Hrodnam na 7-hadovym chłopčyku zaharełasia adzieńnie, paviedamlaje pres-słužba MNS. Ab špitalizacyi dziciaci paviedamiŭ ratavalnikam 15 červienia ŭ 22:35 urač chutkaj miedycynskaj dapamohi.
Pa słovach žycharki Hrodna, razam z synam jany pryjechali na vychodnyja da babuli za horad. Žančyna raspaliła manhał, a sama zajmałasia haspadarčymi spravami. Chłopčyk hulaŭ u dvary. Pakul mama była zaniataja, jon znajšoŭ płastykavuju butelku ź nieviadomaj vadkaściu i kinuŭ jaje ŭ manhał. Adbyłasia ŭspyška, z-za jakoj na im zaharełasia majka.
Pačuŭšy kryk syna, maci vyjaviła, što na im haryć adzieńnie. Pry dapamozie padručnych srodkaŭ jana patušyła jaho i vyklikała chutkuju. U ciažkim stanie z termičnymi apiokami dzicia špitalizavali ŭ reanimacyjnaje adździaleńnie dziciačaj abłasnoj kliničnaj balnicy ŭ Hrodnie.
Kamientary