Rakiety ź Irana da Izraila dalatajuć za 12 chvilin, čakajecca, što ich budzie da 250.
U Izraili hučać sireny, usie hramadzianie pavinny dziejničać pa instrukcyjach kamandavańnia tyłu.
Pavodle źviestak telekanała ABC News, Izrail čakaje zapusku kala 250 iranskich rakiet dźviuma chvalami. Vydańnie spasyłajecca na krynicy ŭ administracyi ZŠA. Rakiety majuć być skiravanyja pa čatyroch celach u Izraili, uklučajučy štab-kvateru «Masada» i try avijabazy.
ZŠA i Izrail aktyvavali ŭsie srodki abarony, i Izrail «absalutna dakładna» naniasie zvarotny ŭdar, kali heta adbudziecca, — skazaŭ čynoŭnik, jaki razmaŭlaŭ z ABC News.
Pieršaja chvala vypuščanych rakiet, jak miarkujecca, dasiahaje 100 adzinak.
Vidavočcy publikujuć videa pierachopu iranskich rakiet u niebie nad Izrailem.
U toj ža čas miascovyja ŚMI pišuć, što častka iranskich rakiet prabiła izrailskuju SPA «Žalezny kupał». Nibyta jość paškodžanyja budynki, pra paciarpiełych pakul nie paviedamlałasia.
Izrailskaja hazieta «Haarec» pieradaje, što mocnyja vybuchi čulisia i ŭ Jerusalimie, i ŭ Tel-Avivie. Taksama jana paviedamlaje — pakul biez padrabiaznaściaŭ — pra traplańni rakiet u centralnym Izraili i na poŭdni, u pustelni Niehieŭ.
U siecivie raspaŭsiudžvajecca videa nibyta vybuchu na naftavaj vyšcy ŭ Tel-Avivie.
Pavodle The Jerusalem Post, Iran vypuściŭ pa Izraili kala 400 rakiet. Vydańnie Al Arabiya paviedamiła, što niekalki iranskich rakiet nibyta byli pieriechoplenyja ŭ niebie nad Iardanijaj.
Prezident ZŠA Džo Bajdien sabraŭ z nahody rakietnaj ataki Irana na Izrail terminovuju naradu ŭ Biełym domie.
Miž tym u Korpusie vartavych isłamskaj revalucyi (KVIR) zajavili, što, maŭlaŭ, nanieśli ŭdar «u samaje serca akupavanych ziemlaŭ» u adkaz na «pakutnickuju śmierć» lidara CHAMAS Ismaiła Chanii, lidara «Chiezbały» Chasana Nasrały i kamandujučaha KVIR Abasa Nilfrušana.
Iran moža raspačać rakietnuju ataku suprać Izraila ŭ najbližejšyja hadziny
Izrail pačaŭ naziemnuju apieracyju na poŭdni Livana
Što saboj ujaŭlaje «Chiezbała», suprać jakoj pačaŭ naziemnuju apieracyju Izrail? Kolki ŭ jaje zastałosia bajevikoŭ?
U Iranie padraździaleńnie pa baraćbie ź Izrailem uznačalvaŭ ahient «Masada»
Kamientary
Ab Štatach pačali kazać pavažliva ," biez kipa zakidacielstva", chucpa źnikła.
Štaty Štaty sajuźniki ŠtatyŠtaty hałoŭny sajuźnik
Iran vajevał ź Irakam 8 hod Zaraz u Irakie pry uładzie šyity ..
Praciah budzie..