Pahonia zastaniecca na hierbie Biełastoka niahledziačy na piarečańni hieraldystaŭ
Pytańnie ab zamienie hierba Biełastoka adkładzienaje na niavyznačany čas. Niahledziačy na niehatyŭnyja zaklučeńni hieraldyčnaj kamisii i zakliki da źmieny, haradskija ŭłady viarnuli prajekt na dapracoŭku, piša Most.
U Biełastoku na pasiadžeńni haradskoj rady abmiarkoŭvałasia pytańnie ab zamienie hierba horada, što na dumku hieraldyčnaj kamisii, parušaje polskija histaryčnyja hieraldyčnyja tradycyi. Hierb na dumku ekśpiertaŭ, nahadvaje pra pieryjad rasijskaj akupacyi i nie adlustroŭvaje polskaj nacyjanalnaj identyčnaści.
Hierb Biełastoka z arłom i Pahoniaj zaćvierdzili ŭ 1996 hodzie. Z tych časoŭ ekśpierty vykazvajuć sumnievy ŭ jaho adpaviednaści praviłam hieraldyki i histaryčnaj tradycyi. Pry sprobach zaćvierdzić jakija-niebudź uznaharody z hetym hierbam ministerskaja Hieraldyčnaja kamisija adkidała hetyja prajekty. Tamu źjaviłasia prapanova viarnucca da hierba časoŭ Jana Klemiensa Branickaha, jaki nie vyklikaje piarečańniaŭ śpiecyjalistaŭ. Inicyjatyva źmianić hierb Biełastoka ŭžo rabiłasia ŭ 2012 i 2018 hadach. Ale tady harrada hetuju ideju nie padtrymała.
«Prablema nie ŭ hierbie, a ŭ hieraldyčnaj kamisii. Jany ličać naš hierb carskim, choć jon byŭ zaćvierdžany paśla demakratyčnych pieramienaŭ u Polščy. Ciapier my chočam vynieści hetaje pytańnie na abmierkavańnie i pahladzieć, ci pahodziacca na źmienu deputaty haradskoj rady», — kazaŭ u vieraśni prezident Biełastoka Tadevuš Truskalaski.
Kamisija rekamiendavała viarnuć Biełastoku hierb z hryfonam, padaravany horadu karalom Aŭhustam III. Adnak, niahledziačy na hetuju rekamiendacyju i padtrymku niekatorych deputataŭ kančatkovaje rašeńnie ab źmienie hierba było adkładziena. Prajekt pastanovy ab pačatku pracedury źmieny byŭ viernuty na dapracoŭku.
Ahnieška Zabrocka ad «Hramadzianskaj kaalicyja» prapanavała spačatku stvaryć admysłovuju pracoŭnuju hrupu dla acenki nastupstvaŭ źmieny hierba. Jana źviarnuła ŭvahu na toje, što karekciroŭka simvoliki horada moža zakranuć nie tolki hierb, ale i inšyja elemienty, takija jak haradskija ściahi, jakija stylistyčna źviazanyja z hierbam.
Kamientary
Spadziajusia, darečy, što niezaležnyja medyi, napr biełsat i radyjo racyja, ŭjaŭniać nam pamiery zarobkaŭ ŭdzielnikaŭ hetaje kamisyi.