«Pamyŭ mašynu, praz 30 chvilin jana znoŭ u pyle». Da Biełarusi taki dabraŭsia prykaśpijski pył
Učora sinoptyki prahnazavali, što pył, padniaty mocnymi viatrami ŭ stepach Kaśpijskaha mora, siońnia ranicaj dalacić da Biełarusi, bo viatry spadarožnyja. I heta sapraŭdy akazałasia tak.
Siońnia, 1 kastryčnika, u redakcyju vydańnia «AvtoHrodno» pryjšli dziasiatki fotazdymkaŭ brudnych aŭtamabilaŭ. Uładalniki, jakich žyvuć u roznych rajonach, havorać u adzin hołas: «Tolki pamyŭ, užo znoŭ u pyle».
Jašče ŭčora źjaŭlalisia paviedamleńni, što padobnyja źjavy adznačalisia va Ukrainie, a ciapier čarha dajšła i da nas. Pryčym adlehłaść ad Kaśpijskaha rehijona da Hrodna pa pramoj składaje nie mienš za 1700 kiłamietraŭ.
Śpiecyjalisty paviedamlajuć, što pik asadkaŭ pyłu va Ukrainie (a značyć, i ŭ Biełarusi) prypadzie na 1 i 2 kastryčnika, ale takaja situacyja zatrymajecca da piatnicy (4 kastryčnika), kali źmianicca viecier. Na praciahu tydnia pył budzie traplać u naš rehijon chvalami.
Kamientary