U Biełarusi zakrylisia pryvatnyja damy sastarełych. Što prapanujuć ułady?
U Biełarusi z 1 kastryčnika začynilisia pryvatnyja damy sastarełych — ciapier im treba mieć licenziju, kab pracavać. Ministerstva pracy i sacyjalnaj abarony raskazała, što zaraz rabić pastajalcam hetych pansijanataŭ. Adzin z varyjantaŭ — addać svajo žyllo za dohlad ad dziaržavy.
Ministerstva pracy i sacyjalnaj abarony pieraličyła nastupnyja varyjanty dla pastajalcaŭ zakrytych pryvatnych pansijanataŭ i ich rodnych (pakul tolki adzin z pryvatnikaŭ zmoh atrymać licenziju).
— Dziaržaŭnyja sacyjalnyja pansijanaty abo pryvatnyja ź licenzijaj.
— Pasłuhi sacyjalnaha rabotnika.
Jany dajucca niepracazdolnym hramadzianam pry najaŭnaści miedycynskich pakazańniaŭ i adsutnaści miedycynskich supraćpakazańniaŭ. Mohuć akazvacca biaspłatna, a taksama na ŭmovach častkovaj albo poŭnaj apłaty.
— Pasłuhi siadziełki.
Prava na akazańnie takich sacpasłuh majuć niepracazdolnyja hramadzianie pry najaŭnaści miedycynskich pakazańniaŭ dla akazańnia pasłuh siadziełki. Jany akazvajucca na ŭmovach poŭnaj abo častkovaj apłaty, ad 10 da 40 hadzin u tydzień. U vypadku špitalizacyi siadziełka moža naviedvać pažyłoha čałavieka va ŭstanovie achovy zdaroŭja.
— Doŭhačasovy dohlad.
Asnoŭnaja zadača — maksimalna padoŭžyć znachodžańnie pažyłych ludziej, jakija majuć patrebu ŭ dohladzie, u zvykłym chatnim asiarodździ.
— Renta.
Dahavor pažyćciovaha ŭtrymańnia, pa jakim hramadzianin pieradaje žyłoje pamiaškańnie va ŭłasnaść dziaržavy, a dziaržava abaviazvajecca ažyćciaŭlać pažyćciovaje ŭtrymańnie.
Taki dahavor zaklučajecca z pažyłymi ludźmi, jakija dasiahnuli 70-hadovaha ŭzrostu i jakija nie majuć svajakoŭ, abaviazanych pa zakonie ich utrymlivać.
— Zamiaščalnaja siamja.
Heta forma ŭładkavańnia niepracazdolnaha hramadzianina va ŭmovach sumiesnaha pražyvańnia i viadzieńnia ahulnaj haspadarki z asobaj, jakaja nie źjaŭlajecca blizkim svajakom. Takija pasłuhi moža akazvać niarodnaja siamja abo adzin čałaviek, pry hetym adnosiny nie buduć zakranać majomasnyja pytańni.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary
Antysacyjalnaja dziaržava zrabiła dźviuchchadovačku. Mietady čornych ryełtaraŭ.