Łukašenka na kamieru paraiŭ kazachskamu pasłu «mienš čytać i słuchać niepatrebnyja ŚMI»
Prymajučy ŭ Pałacy Niezaležnaści davierčyja hramaty ad pasłoŭ, siarod jakich byŭ i novy pasoł Kazachstana, Alaksandr Łukašenka zhadaŭ pra niejkija publikacyi ŭ ŚMI i niejkija prablemy z Takajevym.
Davierčyja hramaty ŭ liku inšych dypłamataŭ uručyŭ i novy pasoł Kazachstana ŭ Biełarusi Cimur Žaksyłykaŭ.
Źviartajučysia da dypłamata, Alaksandr Łukašenka paprasiŭ pieradać Kasym-Žamartu Takajevu, što «jon zaŭsiody byŭ i budzie našym samym sapraŭdnym siabram».
«Mienš čytajcie i słuchajcie niepatrebnyja srodki masavaj infarmacyi. Dziakuj vam vialiki. Spadziajusia, što jašče sustreniemsia, abmiarkujem našy pytańni», — dadaŭ Łukašenka.
Što stała pryčynaj nieparazumieńnia i ŭ čym hetyja pytańni, pres-słužba nie ŭdakładniaje.
Kamientary