Biełaruś apuściłasia ŭ dziasiatku krain, najhoršych dla pracoŭnaha ludu
Mižnarodnaja kanfiederacyi prafsajuzaŭ apublikavała novy rejtynh zachavańnia pravoŭ rabočych u śviecie.
Jak adznačajecca ŭ novym rejtynhu pravoŭ rabočych, jaki apublikavała Mižnarodnaja kanfiederacyja prafsajuzaŭ (ITUC), kolkaść krain, dzie abmiežavanyja pravy na svabodu słova i schodaŭ, praciahvaje pavialičvacca. U 74 krainach z 151 zarehistravanyja vypadki zatrymańniaŭ ci aryštaŭ. U minułym hodzie heta adbyłosia «tolki» ŭ 69 krainach.
«U Biełarusi, Jehipcie, Hankonhu i Sudanie niezaležny prafsajuzny ruch užo byŭ źniščany ŭładami šlacham samavolnaha rospusku i niezakonnaha zachopu. U vyniku rabočyja byli pazbaŭlenyja svajoj asnoŭnaj svabody — stvarać i ŭstupać u prafsajuzy pa ŭłasnym vybary», — pišuć aŭtary.
U rejtynhu adznačajecca, što z krasavika 2022 hoda biełaruski ŭrad uzmacniŭ represii suprać niezaležnych prafsajuzaŭ. U krainie praciahvajucca aryšty i pieraśled rabočych, niełajalnych da režymu.
Aŭtary pišuć, što ŭ Biełarusi ciapier sorak dva lidary i siabry prafsajuzaŭ niespraviadliva ŭtrymlivajucca pad vartaj abo adbyvajuć pakarańnie ŭ turmie, siarod ich i staršynia Biełaruskaha kanhresa demakratyčnych prafsajuzaŭ Alaksandr Jarašuk. Tyja ž, kaho ŭłady vyzvalajuć paśla adbyćcia terminu pakarańnia, atrymlivajuć klajmo «ekstremistaŭ» i robiacca izhojami ŭ hramadstvie.
U niehatyŭnaj dziasiatcy razam ź Biełaruśsiu znachodziacca Banhładeš, Ekvador, Jehipiet, Esvacini, Hvatemała, Mjanma, Filipiny, Tunis i Turcyja.
Kali Kanapackaja stała całkam padkantrolnaja Łukašenku?16
Kamientary