Nijakich zachadaŭ pa kansiervacyi i adnaŭleńni pomnika baroka miascovymi ŭładami nie pradprymajecca.
Čarhovaje razbureńnie pomnika zaŭvažyli miascovyja krajaznaŭcy z supołki «Połack: minułaje i sučasnaść».
Muravany klaštar i kaścioł Najśviaciejšaj Dzievy Maryi na paŭdniovym bierazie Dźviny pabudavany połackimi biernardzincami ŭ 1758 hodzie. Baročny kompleks źjaviŭsia na miescy raniejšaha draŭlanaha. Na terytoryi klaštara było mnostva haspadarčych pabudoŭ, u tym liku piakarnia (zachavałasia), brovar, ladoŭnia, kuźnia, stajnia, łaźnia. Byŭ raźbity pładovy sad z aharodam.
Paśla zdušeńnia paŭstańnia 1830-1831 hadoŭ rasijskija ŭłady začynili ŭ 1832 hodzie klaštar, a kaścioł pierarabili na pravasłaŭnuju carkvu Iaana Bahasłova.
U čas saviecka-polskaj vajny ŭ 1919 hodzie palaki zaniali levy bierah Dźviny. U bajach z Čyrvonaj Armijaj, jakaja zajmała asnoŭnuju častku horada na pravym bierazie, chram značna paciarpieŭ, što bačna na zdymkach 1920-ch hadoŭ.
Kamunisty začynili carkvu. Kompleks znoŭ paciarpieŭ u čas Druhoj suśvietnaj vajny. Žyły korpus byŭ u 1950-ja hady prystasavany pad miedycynskuju ŭstanovu, a ruiny kaścioła častkova źniščyli.
Da našaha času ad byłoha kaścioła zastałasia tolki ałtarnaja častka. Niahledziačy na toje, što kompleks ličycca historyka-kulturnaj kaštoŭnaściu respublikanskaha značeńnia, za apošnija hady nie pradpryniata nijakich zachadaŭ pa jahonaj kansiervacyi i adnaŭleńni.
Krajaznaŭcy, paraŭnoŭvajučy zdymki, vyśvietlili, što za apošnija hady nie stała značnaj častki mura: abvaliłasia ŭsia ŭschodniaja ściana apsidy, apošni frahmient ałtarnaj pieraharodki, častka papružnaj arki. Ciapier abvaliŭsia i pryścienak, jaki hetuju arku padtrymlivaŭ.
Jak adznačajuć krajaznaŭcy, pryścienak moža być i savieckaha času, ale jaho padzieńnie śviedčyć pra toje, što razburyŭsia aŭtentyčny mur, na jakim jon stajaŭ.
Siońnia ŭ Połacku aktyŭna viaducca raboty pa pryviadzieńni da paradku histaryčnaha centra. Padrychtoŭku da Foruma rehijonaŭ Biełarusi i Rasii, jaki 27-28 červienia projdzie ŭ Viciebsku, Połacku i Navapołacku, kantraluje asabista Natalla Kačanava, miascovaja ŭradženka. Ale zaniadbany kompleks klaštara, jaki dobra bačny ź inšaha bieraha, budaŭničyja pracy nie zakranajuć.
«Naša Niva» — bastyjon biełaruščyny
PADTRYMAĆU Lepielskim rajonie zakansiervujuć chram, jaki nie zmahli daščentu źniščyć u časy SSSR
Zhubleny zamak na Paleśsi, kaścioły dy saviecki teatr. Što dziaržava voźmie pad achovu sioleta
U kafiedralnym kaściole ŭ Hrodnie adnavili ałtar
U Žyrovickim manastyry adrestaŭrujuć ikanastas, ź jakoha raniej vykinuli biełaruskija abrazy
«Jaje ŭsie bierahli, jak mahli». Kamandziry — pra Maryju Zajcavu, jakaja zahinuła va Ukrainie14
Kamientary