Ekanomika1212

Čamu dalar rezka padaražeŭ da 3,5 rubla i čaho čakać u bližejšaj budučyni? Spytali ŭ ekśpierta

Dalejšy los biełaruskaha rubla vyhladaje nie nadta aptymistyčnym.

Ilustracyjny zdymak. Fota: «Naša Niva»

Pahladzicie na Rasiju

Imklivaje asłableńnia kursu biełaruskaha rubla ekśpiert BEROC Anastasija Łuzhina ŭ pieršuju čarhu tłumačyć tym, što adbyvajecca z kursam rubla rasijskaha.

«Rasijski niadaŭna pieraadoleŭ psichałahičny barjer u 100 rubloŭ za dalar, i kurs praciahvaje raści. Biełaruski rubiel šmat u čym paŭtaraje trajektoryju rasijskaha. Za apošnija 4 miesiacy kurs rubla biełaruskaha taksama źniziŭsia bolš, čym na 10%. Pry hetym da rasijskaha jon umacavaŭsia biez małoha na 5%», — tłumačyć Łuzhina.

Naš rubiel paŭtaraje pavodziny rasijskaha, choć i nie całkam. Kali rasijskaja valuta budzie dalej tańnieć, to i biełaruski rubiel heta čakaje.

«Na siońnia zachoŭvajecca mocnaja suviaź z Rasijaj, tamu ŭ bližejšy pieryjad chutčej za ŭsio my budziem praciahvać nazirać płaŭnaje źnižeńnie rubla da dalara», — ličyć ekśpiert.

Čamu padaje rubiel rasijski?

Siarod pryčyn, čamu tak imkliva tańnieje rubiel rasijski, Łuzhina nazyvaje nastupnyja faktary.

«U Rasii adbyvajecca paharšeńnie salda handlovaha bałansu za košt źnižeńnia abjomaŭ ekspartu nafty ŭ vyniku taho, što Indyja mocna abmiežavała kuplu rasijskaj nafty».

Druhim faktaram ekanamist nazyvaje prablemy z raźlikami ŭ vyniku sankcyj.

«Mnostva tavaraŭ i pasłuh, jakija ekspartujucca z Rasii, apłačvajucca rublami. A voś raźlik za impart nie zaŭsiody adbyvajecca ŭ rasijskaj valucie, što pryvodzić da valutnaha dysbałansu», — tłumačyć Łuzhina.

Ilustracyjny zdymak. Fota: «Naša Niva»

Čaho čakać dalej?

Jašče adzin faktar, na jaki źviartaje ŭvahu ekśpiert, — umacavańnie dalara na suśvietnym rynku da jeŭra i inšych valut.

Z pačatku hoda devalvacyja biełaruskaha rubla da dalara skłała kala 9%. A da košyku valut naš rubiel zastajecca davoli stabilnym.

Tamu možna kazać, što na kurs ciapier u asnoŭnym upłyvaje rasijski faktar.

«Dla dalejšaha razumieńnia treba hladzieć, što budzie adbyvajecca ŭ handlovym bałansie Biełarusi. Pa danych za vierasień my bačym, što salda pahoršyłasia, ale, mahčyma, na heta paŭpłyvali razavyja faktary, takija, jak novyja sankcyi. Imparciory imknulisia paśpieć uvieźci tavary prazapas da ŭstupleńnia novych abmiežavańniaŭ z kastryčnika. Tamu ŭžo zychodziačy sa źviestak za kastryčnik možna budzie mierkavać — heta tendencyja da paharšeńnia abo razavaja akcyja».

Ilustracyjny zdymak. Fota: «Naša Niva»

Što tyčycca ŭnutrybiełaruskaha faktaru, to mnohaje budzie zaležać ad taho, ci buduć ułady i dalej sprabavać razhaniać rost VUP.

«Spažyvańnie niecharčovych tavaraŭ u Biełarusi za 10 miesiacaŭ vyrasła na 17,8% u paraŭnańni sa studzieniem-kastryčnikam minułaha hoda.

Hetamu spryjaŭ rost zarobkaŭ i pavieličeńnie abjomaŭ vydačy kredytaŭ. U toj ža čas spažyvańnie charčovych tavaraŭ pakazała bolš ścipłyja vyniki pavieličeńnia — na 5,7%. I tut važna razumieć, što značnaja dola mienavita niecharčovych tavaraŭ, popyt na jakija vyras, prypadaje na impart, što niehatyŭna ŭpłyvaje na salda handlovaha bałansu.

Impart spažyvieckich niecharčovych tavaraŭ za studzień-vierasień u paraŭnańni z anałahičnym pieryjadam minułaha hoda vyras na 14,9%, ci amal na 1 młrd dalaraŭ», — adznačaje Anastasija Łuzhina.

Dalejšaje raźvićcio situacyi z kursam, na dumku Łuzhinoj, budzie šmat u čym zaležać ad dziejańniaŭ administracyi Trampa.

«Kali Tramp budzie stymulavać pavieličeńnie abjomaŭ zdabyčy nafty, to ceny na jaje jašče bolš źniziacca, što budzie adčuvalnym udaram pa rasijskaj ekanomicy. Kali hetaha nie zdarycca, to chutčej za ŭsio budzie naziracca płaŭnaje źnižeńnie kursu na praciahu kanca hetaha hoda i pieršaj pałovie nastupnaha», — adznačaje ekśpiert.

Kamientary12

  • Prokopovi.ch
    27.11.2024
    Vy znajetie kuda idti i čto diełať.
  • Ubl
    27.11.2024
    Dołłar fsio, čiem bolšie rublej - tiem łučšie!
  • Sčietovor kołchoza "Čyrvonoje dyšło"
    27.11.2024
    Oj už eti ikśpierdy. Nazvała dvie pričiny. Da, oni jesť. No osnovnaja vied́ pričina - eto nakačivanije ekonomiki pustymi dieńhami. Podjomnyje i kontraktnyje, za ranienija, hrobovyje na vojnie, zarpłaty v VPK, kotoryje ničieho poleznoho nie proizvodiat. Soputstvujuŝije zatraty na VPK ( naprimier matieriał dla obmundirovanija i jeho pošiv). I mnohoje , i mnohoje... Jeśli posmotrieť, to okažietsia, čto połovina ludiej połučiła dieńhi za vypusk produkcii, kotoraja nie nužno, "pustaja". Da, rańšie eti "pustyje" dieńhi hasiliś dochodami ot niefti , haza. Sankcii (kotoryje na polzu) sdiełali svoje dieło i eti dochody umieńšili. Ekonomičieskije zakony nie prinimajutsia v Dumie.

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie

Usie naviny →
Usie naviny

Jak telešou dapamahli źnizić kolkaść razvodaŭ u Paŭdniovaj Karei2

Anastasija Niufier z ZŠA, vyzvalenaja ŭ Biełarusi ŭ dzień vybaraŭ, apublikavała pieršaje fota

Dva homielskija kur‘jery zabrali 100 tysiač u 87-hadovaj žančyny, kinuli kuratara i pačali sałodkaje žyćcio5

U 35 hadoŭ pamior padpałkoŭnik, jaki zajmaŭsia asabliva važnymi spravami ŭ centralnym aparacie MUS7

Mus moka. Jak nasić samy modny koler hetaha hoda?12

Administracyja Trampa skaračaje štat USAID u 30 razoŭ8

Na miažu viarnułasia čarha z aŭtamabilaŭ1

Milicyja raskazała, što rabić pry šantažy intymnymi fota ŭ Siecivie

Pošta nie pierasyłaje hrošy niekatorym palitviaźniam

bolš čytanych navin
bolš łajkanych navin

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie

Hałoŭnaje
Usie naviny →

Zaŭvaha:

 

 

 

 

Zakryć Paviedamić