Skandał ź sieryjałam «Aleniania»: Fijona Charvi abvinavaciła jaho aŭtaraŭ u chłuśni i choča adsudzić u Netflix $170 miljonaŭ
Aŭtar scenara i hałoŭny hieroj Robiert Hed raspaviadaŭ, što stałkierša adpraviła jak minimum 41071 imejł, pakinuła 350 hadzin hałasavych, napisała 744 tvity, 46 paviedamleńniaŭ u fejsbuku i listoŭ na 106 staronak.
Žančyna, jakaja, pa jaje śćviardžeńniach, natchniła aŭtaraŭ papularnaj dramy «Aleniania» (Baby Reindeer) na stvareńnie piersanaža pa imieni Marta, padała ŭ sud na jaje stvaralnika i na kampaniju Netflix. Fijona Charvi patrabuje ad stryminhavaha servisu 170 młn dalaraŭ u jakaści kampiensacyi za pryčynienuju joj škodu. Charvi zajaviła, što sieryjał, u jakim Marta pakazana jak stałkierša, — heta vydumka, piša Bi-bi-si.
Jana abvinavaciła stryminhavy hihant Netflix i šatłandskaha komika Ryčarda Heda, jaki napisaŭ scenar i jaki źniaŭsia ŭ sieryjale, u chłuśni i ŭ paklopnickim pierastvareńni jaje historyi.
U pazovie suprać Netflix havorycca, što śćviardžeńnie aŭtaraŭ sieryjała ab tym, što jon zasnavany na realnaj historyi, źjaŭlajecca «samaj vialikaj chłuśnioj u historyi telebačańnia».
«Heta chłuśnia, pramoŭlenaja Netflix i stvaralnikam sieryjała Ryčardam Hedam z prahi słavy; chłuśnia, zaklikanaja pryciahnuć bolš hledačoŭ, pryciahnuć bolš uvahi, zarabić bolš hrošaj i žorstka razburyć žyćcio iścicy, Fijony Charvi», — havorycca ŭ pazovie, padadzienym u sud Kalifornii.
«My majem namier rašuča abaraniać hetuju spravu i adstojvać prava Ryčarda Heda raspavieści svaju historyju», — zajaviŭ u svaju čarhu pradstaŭnik Netflix
Premjera sieryjała, jaki składajecca ź siami sieryj, adbyłasia na servisie Netflix u krasaviku: jon vielmi chutka staŭ chitom. Na resursie Rotten Tomatoes, jaki akumuluje vodhuki, jaho rejtynh 98%.
Sieryjał, zasnavany na pjesie Ryčarda Heda, raspaviadaje pra toje, jak jon sustrakaje žančynu ŭ pabie, dzie pracuje.
Film pačynajecca jak kamiedyja, ale chutka pierarastaje ŭ dramu. U nastupnych sieryjach Hedu treba prajści praź ciažkaje vyprabavańnie daŭžynioj u niekalki hadoŭ, na praciahu jakich Marta adpraŭlaje tysiačy elektronnych listoŭ, hałasavych i sms-paviedamleńniaŭ, pieraśledujučy jaho samoha, jaho dziaŭčynu i jaho siamju.
Marta, jakaja, pavodle scenaru, raniej była asudžanaja da čatyroch hadoŭ turmy za pieraśled chvoraha syna advakata, taksama ździajśniaje seksualny hvałt nad Hedam (Fijona śćviardžaje, što nasamreč ničoha takoha nie było).
U intervju brytanskamu televiadoŭcu Pirsu Morhanu Fijona Charvi zajaviła, što Hed nažyvajecca «na jaje pakutach».
Morhan nieadnarazova pytaŭsia Charvi pra toje, kolki listoŭ i papiarovych listoŭ jana adpraviła Heddu i kolki razoŭ telefanavała.
Hed raspaviadaŭ, što stałkierša adpraviła jak minimum 41071 imejł, pakinuła 350 hadzin hałasavych paviedamleńniaŭ, napisała 744 tvity, 46 paviedamleńniaŭ u Fejsbuku i listoŭ na 106 staronak.
Fijona Charvi adkazała Morhanu, što «mahčyma, było niekalki listoŭ», a paźniej skazała, što listoŭ było «mienš za 10».
Kamientary
Ni karespandencyja (choć miljon hałasavych), ni stvareńnie fikšynu pavodle bijahrafii karespandentki (navat sa źmienaj akaličnaściaŭ, navat z damalavańniem ŭ fikšynie niesapraŭdnych złačynstvaŭ) nia jość złačynstvami
Paklop heta, sapraŭdy, złačynstva, nia mienšaje za toje, jaki źmiest niespraviadliva źvinavačanaha złačyntva.
I vidavočna, što paklopu biaz źvinavačańnia (falšyvaha śviedčańnia niama). Pieražujcie i adčujcie roźnicu navat pamiž paklopam i plotkaj (platkar nie pazyvajecca ŭ sud). A tut naahuł navat nia pletka, a mastacki (nia viedaju, jakoj jakaści) tvor.
Nu, voch-voch-voch, stałkinh. Ŭ jaho navat vyznačeńnia niama, čamu i ŭźnikła apisanaje ŭ artykule suciažnictva, mahčymaje, viadoma, tolki ŭ pazyŭnym pravie. Ŭ dasyłańni listoŭ, kvietak, niehvałtoŭnych sustrečach ŭ prastorach ahulnaha dostupu niama škody, niama paciarpiełaha