Łatuška źviarnuŭsia ŭ Kamisiju finansavaha nahladu Polščy ŭ suviazi z bankam Santander
Biełarusy ŭ Polščy sutyknulisia z błakavańniem dostupu da anłajn-bankinhu i dadatku banka Santander. Bank tłumačyŭ heta «ŭnutranymi dakumientami» i novymi praviłami.
Namieśnik kiraŭnika Abjadnanaha pierachodnaha kabinieta i kiraŭnik Narodnaha antykryzisnaha ŭpraŭleńnia źviarnuŭsia ź listom u kamisiju finansavaha nahladu Polščy ŭ suviazi z abmiežavańniami dla biełarusaŭ u banku Santander.
U suviazi z prablemami, jakija ŭźnikli ŭ biełarusaŭ z vykarystańniem anłajn-bankinhu banka Santander, namieśnik kiraŭnicy APK nakiravaŭ u adras kamisii list.
U pryvatnaści, Pavieł Łatuška paprasiŭ patłumačyć, ci majucca jakija-niebudź pradpisańni dla banka Santander ad Kamisii finansavaha nahladu Polščy nakont abmiežavańnia biełarusaŭ u karystańni praduktami i pasłuhami banka, albo heta tolki over-compliance (praźmiernaje vykanańnie patrabavańniaŭ) z boku banka.
Pry najaŭnaści takich pradpisańniaŭ namieśnik kiraŭnicy Kabinieta paprasiŭ udakładnić, jakimi pravavymi aktami kirujucca ŭ dadzienym vypadku bank i Kamisija finansavaha nahladu.
Nahadajem, što finansavyja sankcyi ŭ dačynieńni da hramadzian Biełarusi ŭ Polščy adsutničajuć, za vyklučeńniem abmiežavańniaŭ pa depazitach u jeŭrapiejskich bankach u pamiery bolš za 100 tysiač jeŭra.
«Abjadnany pierachodny kabiniet Biełarusi i Narodnaje antykryzisnaje ŭpraŭleńnie zaŭsiody vystupali suprać jakich-niebudź abmiežavańniaŭ u adnosinach da niavyznačanaha koła hramadzian Biełarusi», — havorycca ŭ zajavie APK.
Nahadajem, što biełarusy ŭ Polščy sutyknulisia z błakavańniem dostupu da anłajn-bankinhu i dadatkam banka Santander. Bank tłumačyŭ heta «ŭnutranymi dakumientami» i novymi praviłami.
KDB zatrymaŭ žančynu, z doma jakoj było źniata videa padzieńnia šachieda ŭ Kalinkavičach39
Kamientary