«Zrobić zaharodu nieprystupnaj». Polšča vydatkuje $375 miljonaŭ na ŭmacavańnie aharodžy na miažy ź Biełaruśsiu
Isnuju aharodžu ličać časovym rašeńniem.
Polšča źbirajecca madernizavać płot na miažy ź Biełaruśsiu. Pra heta raskazaŭ namieśnik ministra nacyjanalnaj abarony Cezary Tomčyk.
Pavodle jaho słoŭ, Silezski technałahičny ŭniviersitet užo raspracavaŭ prajekt, jaki zrobić zaharodu nieprystupnaj dla mihrantaŭ, piša money.pl.
Tomčyk adznačyŭ, što ciapierašniaja aharodža, jakuju pastavili pry papiarednim uradzie, — časovaja. Mihranty, jakija sprabujuć prarvacca ŭ Polšču z terytoryi Biełarusi, adolvajuć jaje z dapamohaj davoli prostych instrumientaŭ, takich, jak drabiny.
Detalaŭ prajekta madernizacyi Tomčyk raskryvać nie staŭ. Adnak adznačyŭ, što ŭmacavańnie zaharody budzie kaštavać biudžetu prykładna 375 miljonaŭ dalaraŭ.
Pry hetym budaŭnictva fartyfikacyj na miažy ź Biełaruśsiu, pra jakija kazaŭ premjer-ministr Donald Tusk — heta asobny prajekt. Madernizacyja zaharody nieabchodnaja dla praduchileńnia nielehalnaj mihracyi, a nie dla baraćby z vajennaj pahrozaj, adznačyŭ Tomčyk.
Raspracoŭka sistemy tranšej i dotaŭ na miažy ź Biełaruśsiu viadziecca paralelna z raspracoŭkaj prajekta pa madernizacyi zaharody.
«Telefanujcie dzieciam, prasicie viarnucca ŭ Biełaruś». Biełarusy na miažy sutyknulisia z novaj pravierkaj26
Kamientary