U aktyŭnym «stukańni» ŭ KDB zaśviaciŭsia viadomy mahiloŭski fatohraf i ekaaktyvist
Pravaabaroncy z Mayday team, vyvučyŭšy bazu zvarotaŭ u KDB, apublikavanuju «Kibierpartyzanami», vyśvietlili, što jašče da vybaraŭ 9 žniŭnia 2020 hoda adzin z davoli viadomych mahiloŭcaŭ aktyŭna źviartaŭsia ŭ KDB sa skarhami palityčnaha charaktaru. A paśla dnia hałasavańnia i ahresii z boku siłavikoŭ mužčyna nakiravaŭ hebistam jašče niekalki danosaŭ.
Havorka idzie pra davoli viadomaha ŭ Mahilovie fatohrafa 36-hadovaha Michaiła Kapyčku. U danosach fihuruje niknejm, jaki mužčyna vykarystoŭvaje, a taksama paznačany numar telefona fatohrafa, jaki aktualny i ciapier.
Pieršy danos zdaryŭsia jašče 5 červienia 2020 hoda — u im adpraŭnik paprasiŭ KDB «stvaryć śpiecyjalny infarmacyjny adździeł pa baraćbie z dezynfarmacyjaj, pravakacyjnymi i niehatyŭnymi vykazvańniami ŭ bok dziejnaha Prezidenta RB, a taksama palityčnaha ładu RB», tłumačačy heta «dziejańniami pravakacyjnaha charaktaru…, jakija viaducca ŭ sietcy Internet».
Napiaredadni vybaraŭ, 8 žniŭnia, Michaił Kapyčko zapatrabavaŭ ad čekistaŭ zabłakavać sajt ZUBR.in za razhałošvańnie danych členaŭ učastkovych kamisij.
A ŭžo 10 žniŭnia — na nastupny dzień paśla hałasavańnia — Michaił Kapyčka zapatrabavaŭ ad KDB «zavieści kryminalnyja spravy pa fakcie paklopu i zakliku da dziaržaŭnaha pieravarotu ŭ Respublicy Biełaruś na padstavie pravakacyjnaj i ahitujučaj da hvałtu i biesparadkaŭ infarmacyi, raźmieščanaj u sacsietkach i miesiendžarach Nexta, «97%» i inšych apazicyjnych resursach».
Bolš za toje, jon zapatrabavaŭ ad čekistaŭ, kab jany padklučyli da hetaha Interpoł.
Jašče praź niekalki dzion, 13 žniŭnia, mužčyna paprasiŭ śpiecsłužbu «ŭvieści ŭ adukacyjny praces kurs lekcyj pa «Kancepcyi Hramadskaj Biaśpieki» dla ŭsiaho kiraŭničaha składu RB, dziaržaŭnych ministerstvaŭ i viedamstvaŭ, raspracavany vyšejšym vajskovym sastavam SSSR».
Varta adznačyć, što tak zvanaja «Kancepcyja Hramadskaj Biaśpieki» — paŭakultnaja teoryja rasijskaha vajskoŭca Kanstancina Piatrova, vykładzienaja ŭ kursie videalekcyj. Na ŭstupnuju lekcyju Piatrova Michaił Kapyčka prymacavaŭ spasyłku ŭ svaim paviedamleńni dla KDB. Tady ž, 13 žniŭnia, fatohraf apublikavaŭ videa ŭ siabie na staroncy va «VKontaktie».
Apošni viadomy danos mužčyny datujecca 21 vieraśnia. U im jon prosić pryciahnuć da adkaznaści administratara supołki «VKontaktie» «Rudabielskaja pakazucha» — vierahodna, havorka pra viadomaha biełaruskaha błohiera Andreja Pavuka. Jaho Michaił Kapyčka abvinavaciŭ u «raźmiaščeńni ŭ publičnym dostupie asabistaj infarmacyi supracoŭnikaŭ unutranych spraŭ RB z metaj zakliku da ckavańnia hetych supracoŭnikaŭ».
Akramia fatahrafii, Michaił Kapyčka viadomy jak mahiloŭski ekaaktyvist. Prykładna ŭ 2017 hodzie jon razam ź inšymi mahiloŭcami stvaryŭ inicyjatyvu «Zachavajem Piačerski lesapark», jakaja zajmajecca pryciahnieńniem uvahi da prablem hetaha miesca. U hetaj inicyjatyvie, kali vieryć intervju Kapyčki ad 2020 hoda, jon zajmaŭsia ŭ asnoŭnym pierapiskaj ź dziaržorhanami, viadzieńniem pabliku va «VKontaktie» i praviadzieńniem mierapryjemstvaŭ.
Muzyka Arakielan znajšoŭ u źlitym śpisie listoŭ u KDB danos na siabie. Jon naležyć viadomaj asobie
Kandydata ŭ Kaardynacyjnuju radu ad «Narodnaj Hramady» vykinuli sa śpisu, bo jon danosčyk. Stukaŭ na Aŭtuchoviča
«Usich ja ŭ rot **aŭ, i maral vašu taksama». Rasijanie raskazali, navošta pisali danosy ŭ biełaruski KDB
«Ja nie danosiŭ, my ž siabrujem». Jak apraŭdvajucca vykrytyja stukačy
Biełarusy napisali 40 tysiač danosaŭ? Nie, heta niepraŭdzivaje śćvierdžańnie
Biełaruskaja błohierka pracavała na rasijskaj apazicyjnaj fabrycy botaŭ, a paśla źliła dakumienty?43
Kamientary