Ceny na pradukty ŭ školnych stałovych Biełarusi buduć ličyć pa-novamu
Ministerstva antymanapolnaha rehulavańnia i handlu Biełarusi svajoj pastanovaj №30 ad 16 krasavika źmianiła paradak farmiravańnia cen na pakupnyja spažyvieckija tavary, jakija realizujucca pa porcyjach u školnych stołovych.
U adpaviednaści z dakumientam, nacenki ŭ abjektach hramadskaha charčavańnia pa-raniejšamu nie prymianiajucca pry prodažy pakupnych charčovych tavaraŭ, jakija nie padviarhajucca kulinarnaj apracoŭcy, akramia pradukcyi, jakaja pradajecca ŭ raźliŭ i porcyjami.
Adnak ciapier nacenak nie budzie i dla pradukcyi, jakaja vykarystoŭvajecca dla padrychtoŭki napojaŭ biez termičnaj apracoŭki (soki, niektary, morsy, małako, kisłamałočnyja napoi).
Akramia taho, była vyznačanaja limitnaja maksimalnaja nacenka ŭ pamiery 20% cen na pakupnyja spažyvieckija tavary, jakija realizujucca porcyjami ŭ abjektach hramadskaha charčavańnia.
Pastanova MARH była apublikavanaja 27 krasavika i pavinna ŭstupić u siłu praź piać dzion.
Sudziać hiendyrektara BiełAZa. Pahražaje da 15 hadoŭ9
Kamientary