Kiroŭca sutki prastajaŭ na polska-biełaruskaj miažy, a paśla jaho nie puścili ŭ krainu z-za niezvyčajnaha hruzu
Katalicki viernik vioz z saboj paciery dla malitvy, jakija, jak vyjaviłasia, nieabchodna dekłaravać, stała viadoma Katolik.life.
![Paśla sutak na miažy kiroŭcu nie ŭpuścili ŭ Biełaruś z Polščy. Pryčyna niebanalnaja](http://d3kcf2pe5t7rrb.cloudfront.net/img/w840d4webp1/photos/z_2024_04/67e9d8208a822726e7ffa067f1248299_xl-2fsnw.jpg.webp)
Pra toje, što va ŭjeździe ŭ Biełaruś z Polščy było admoŭlena adnamu z katalickich viernikaŭ z pryčyny najaŭnaści pradmietaŭ dla malitvy, Katolik.life stała viadoma niekalki dzion tamu.
Viernik, imia jakoha i rod dziejnaści nie nazyvajecca ź mierkavańniaŭ biaśpieki, šmat hadzin prastajaŭ u čarzie, a zatym na biełaruskim baku jahony aŭtamabil adpravili na renthien — paśla taho, jak znajšli bolš za sto pacieraŭ dla malitvy i paličyli sprobu ich uvozu parušeńniem zakona. Usiaho kiroŭca pravioŭ na miažy kala sutak, paśla čaho vymušany byŭ viarnucca ŭ Polšču.
![](http://d3kcf2pe5t7rrb.cloudfront.net/img/w732d4webp1/photos/z_2024_04/terespol-7acn6.jpeg.webp)
Kataliki vykarystoŭvajuć paciery ŭ asnoŭnym dla malitvy Ružanca — heta adna z samych častych malitvaŭ u katalickich viernikaŭ. Takija paciery zvyčajna zroblenyja z płastyku abo dreva i nie majuć materyjalnaj kaštoŭnaści. U Biełarusi paciery masava nie vyrablajucca, tamu ich pryvoziać z-za miažy.
![](http://d3kcf2pe5t7rrb.cloudfront.net/img/w732d4webp1/photos/z_2024_04/rosary-kf8ct.jpeg.webp)
Viernik, pra jakoha idzie havorka, vioz paciery dla ŭdzielnikaŭ malitoŭnaha mierapryjemstva, jakoje zapłanavana sioleta. Ale, jak zajavili kiroŭcu supracoŭniki mytni, zavieźci ŭ Biełaruś jon moža tolki 10 pacieraŭ — takaja kolkaść adnolkavych pradmietaŭ dapuskajecca da ŭvozu. Pakolki astatnija akazalisia «lišnimi» i nie byli zadekłaravanyja, kiroŭcu viarnuli ŭ Polšču.
Nastupnym razam jamu daviałosia zajazdžać biez pacieraŭ, a ŭ budučyni pry žadańni zavieźci ich u kolkaści bolš za 10 nieabchodna budzie dekłaravać tavar.
Na hetym tydni pačynajecca sud nad katalickaj aktyvistkaj Aksanaj Jučkavič
«Radyjo Maryja ŭ Biełarusi» moža stracić pamiaškańnie, tamu prosić pra dapamohu
«Dla Hrodzienskaj dyjacezii heta rekord pa biełarusizacyi». Što viadoma pra novapryznačanaha biskupa Hulaja
Papa pryznačyŭ u Biełarusi novaha biskupa. U Hrodzienskaj dyjacezii čakajucca pieramieny?
Kamientary