U Polščy zatrymali dvuch čałaviek, jakich padazrajuć u źbićci rasijskaha apazicyjaniera Vołkava ŭ Vilni
Prezident Litvy Hitanas Naŭsieda paviedamiŭ 19 krasavika, što ŭ Polščy zatrymany dva čałavieki, jakija padazrajucca ŭ źbićci rasijskaha apazicyjaniera Leanida Vołkava ŭ Vilni, piša LRT.
«U Polščy zatrymany dva čałavieki, jakija padazrajucca ŭ źbićci rasijskaha apazicyjaniera Leanida Vołkava. Ja dziakuju Polščy za vydatnuju pracu, jakuju jana zrabiła, ja havaryŭ ab hetym z prezidentam Polščy i padziakavaŭ im za vydatnaje supracoŭnictva», — skazaŭ prezident Naŭsieda.
Kiraŭnik Litvy taksama padziakavaŭ śpiecyjalistam litoŭskaj kryminalnaj raźviedki, jakija praviali pieršapačatkovuju i padrychtoŭčuju rabotu.
«U bližejšy čas, paśla zaviaršeńnia pracesualnych dziejańniaŭ, hetyja asoby buduć pieradadzieny Litvie», — skazaŭ jon. Adnak nie ŭdakładniŭ, kali heta moža adbycca.
Naŭsieda taksama nie ŭdakładniŭ, chto hetyja ludzi i hramadzianami jakoj krainy źjaŭlajucca.
«Ja pakul nie viedaju nijakich inšych padrabiaznaściaŭ, ale mahu skazać: ja bačyŭ, jak enierhična i nastojliva pracavała litoŭskaja palicyja na praciahu apošniaha miesiaca pa hetaj spravie, i vielmi rady, što hetaja praca apynułasia vynikovaj», — napisaŭ Vołkaŭ u tvitary.
Na paplečnika Navalnaha Leanida Vołkava napali ŭ Vilni 12 sakavika. Jamu raźbili małatkom akno ŭ mašynie i raspylili ŭ vočy ślozatačyvy haz, paśla čaho napadnik staŭ bić Vołkava małatkom.
Stała viadoma pra zatrymańnie 77-hadovaha Vasila Hustyra, adnaho z najlepšych ahraryjaŭ Biełarusi6
Kamientary
Po słovam Tuska, zadieržan «biełorus, rabotajuŝij na rośsijan, kotoryj zakazał dvum polakam ubijstvo soratnika Navalnoho».
Tusk dobavił, čto takžie zadieržany dvoje napadavšich. «Oni śviazany s kruhami futbolnych fanatov ultras», — dobavił priemjer-ministr.