Maju ankałohiju spravakavaŭ skandał z Papłaŭskaj — Chanok
Narodny artyst Biełarusi, paet-piesieńnik Eduard Chanok raskazaŭ historyju svajoj chvaroby i patłumačyŭ, čamu ŭ Puhačovaj i Rataru nie mahło być ankałohii, a Kabzon «atrymaŭ pa poŭnaj prahramie».
U prahramie «Skažiniemołči» Eduard Chanok raskazaŭ, što ličyć, što jaho ankałahičnaje zachvorvańnie było spravakavana kanfliktam z Jadvihaj Papłaŭskaj:
«Tady byŭ skandał z Papłaŭskaj. Siońnia ja mahu śmieła skazać: «Dziakuj bohu, što jon adbyŭsia». Čamu? Mnie daktary patłumačyli, što mienavita z-za hetaha skandału, pieranapružańnia i vyskačyła ankałohija».
Pa słovach Chanka, «ankałohija heta nie toje, pra što havoryć Małyšava». «Heta chvaroba niavykazanych kryŭdaŭ, naniesienych ludźmi, dziaržavaj, pryrodaj, jakija naradžajuć doŭhi smutak i pryvodziać pry adsutnaści błakiroŭki da parušeńnia DNK».
Jon pasprabavaŭ raźvić svaju teoryju na prykładzie asobnych vykanaŭcaŭ:
«U Puhačovaj i Rataru nie mahło być ankałohii, bo jany hasili adna adnu. U Mahamajeva nie mahło być — jon mieŭ Babadžaniana. A Kabzon atrymaŭ pa poŭnaj prahramie. U jaho nie było nijakaj błakiroŭki. Jon nikoli nie byŭ papularnym, byŭ prosta viadomym vykanaŭcam. U jaho zusim mała było piesień. Ujavicie, Kabzon padnimajecca, a ŭ hety čas Mahamajeŭ z 73-ha (hoda) uźlataje i na dziesiać hadoŭ nahłucha zakryvaje ŭsio. A jany abodva barytony. Heta kankurencyja».
Chanok adznačaje, što kryŭda ŭ jaho doŭha nazapašvałasia i kab tak praciahvałasia dalej, to situacyja była b bolš składanaj. A tak pieranapružańnie, źviazanaje z sudami z Papłaŭskaj, pryviało da taho, što «ankałohija vyjšła druhoj stupieni» i jaje «tryma ŭkołami za paŭtara hoda» vylečyli.
Chanok vykazaŭ ideju, što, mahčyma, u budučym navučacca «ankałohiju štučna vyklikać i potym ukołami zahłušać».
Što tyčycca adnosin ź Jadvihaj Papłaŭskaj, to ciapier, jak zapeŭniŭ Eduard Chanok, jon nie maje da jaje pretenzij, ale «siabroŭstva ci niejkich adnosin uvohule nie moža być».
Chanok: Saładucha kupiŭ u mianie ŭ 1992 hodzie pieśniu «Zdravstvuj, čužaja miłaja» za 25 tysiač dalaraŭ
Eduard Chanok raspavioŭ, jak žyvie sam i jak žyvie ŭ Izraili jaho dačka
Chanok pieradumaŭ i ŭsio-taki padaje ŭ sud na Papłaŭskuju i Jarmolenku
Jadviha Papłaŭskaja ab pretenzijach Chanka: Paśla jaho vizitu było žadańnie paŭźci na Maskoŭskija mohiłki i tam zakapacca
Sudziać hiendyrektara BiełAZa. Pahražaje da 15 hadoŭ3
Kamientary