Majanez nie tolki vydatnaja zapraŭka dla sałataŭ ci sous dla pielmieniaŭ, jak mnohija dumajuć.
Srodak suprać plamaŭ na mebli
Uładalniki draŭlanaj mebli sutykajucca z prablemaj, kali na jaje pavierchni zastajucca plamy ad mokraj šklanki ci kubka. Ale mała chto viedaje, što jana moža być vyrašanaja z dapamohaj majanezu.
Hety pradukt utrymlivaje alej i tłušč, jakija akazvajuć čaroŭnaje ŭździejańnie na draŭninu. Jany dapamahajuć vydalić vadkaść, jakuju ŭvabrali vałokny draŭniny.
Dla taho, kab pazbavicca plamy na mebli, dastatkova jaje namazać adnoj stałovaj łyžkaj majanezu i pakinuć na 30-60 chvilin. Paśla hetaha zastajecca prosta vycierci majanez miakkaj tkaninaj.
Ekśpierty abiacajuć, što efiekt budzie zaŭvažnym. Kali ž plama źnikła nie da kanca, to praceduru rekamiendujuć paŭtaryć.
Vyrašeńnie inšych bytavych prablem
Majanez dapamoža pazbavicca ad rypieńnia dźviarej. Zamiest śpiecyjalnaha aleju, jaki nie ŭ kožnaha jość doma, z pośpiecham možna vykarystać hety pradukt. Dastatkova akuratna zmazać pietli majanezam i zatym vydalić jaho liški vilhotnaj tkaninaj.
Kali ž vy padčas prahułki nastupili na žavalnuju humku i jana tryvała prykleiłasia da padešvy, to ŭ takoj situacyi hety sous taksama dapamoža. Dastatkova zmazać hetaje miesca nievialikaj kolkaściu majanezu i pačać raścirać. Pastupova humka pačnie razrychlacca i jaje možna budzie źniać z dapamohaj naža.
Hety sous taksama lohka spravicca ź lipkimi naklejkami-ceńnikami na pakupkach. Dastatkova na ich nanieści nievialikuju kolkaść majanezu i dać jamu ŭvabracca. Naklejku zatym možna budzie lohka prybrać kavałačkam tkaniny ci ščotkaju ź miakkim ščacińniem.
Spadziajemsia, paśla našych paradaŭ vy jašče bolš palubicie majanez.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»24
Kamientary
ale nakont taho, kab zmazać pietli dźviarej, dakładna nie. moža na paru dzion i chopić, ale potym vy možacie nie adčynić hetyja dźviery) alej (słaniečnikavy ci aliŭkavy) stanie lipki, jak klej)
Red., ja zrazumieła, čamu nie źmiaščali siońnia niekatoryja kamientary. bo ja pamylałasia. nu, blin. ja ž nie viedaju movy. adkul mnie viedać jaje? aliva, tak?
pietli zmazvać tolki alivaj. nu moža sałam možna jašče) nie viedaju - nie sprabavała - nie maju sała.
voś znajšła ŭ šviejnaj mašynkie - Masło industrialnoje ułučšiennoje dla bytovych miechanizmov Proizvodstvienno-torhovaja firma ,,Zaria" h.Pinsk Priednaznačajetsia dla smazyvanija truŝichsia i vraŝajuŝichsia častiej bytovych miechanizmov Srok hodnosti nie ohraničien
što možna namazać majanezam, dyk heta... hałavu) akramia žartaŭ, heta adna ź lepšych masak dla vałasoŭ, viadomaja z savieckich časoŭ. i žaŭtok i harčyca, i alej (aliŭkavy) - heta ŭsio karysna dla vałasoŭ