Hramadstva1414

Koŭšyk pra zvalnieńnie Kuleja: Jaho zajavy nie adpaviadajuć rečaisnaści i škodziać reputacyi kanała

Žurnalist Ihar Kulej učora ŭ efiry prahramy «Tydzień» abviaściŭ, što heta jaho apošniaja pieradača na «Biełsacie» i što jon pakidaje kanał. «Paśla amal 10 hadoŭ pracy, mianie vycisnuli adtul chłuśnioj i pahrozami», — dadaŭ jon u fejsbuku. Hałoŭnaja redaktarka «Biełsata» Alina Koŭšyk prakamientavała situacyju dla «Našaj Nivy».

Alina Koŭšyk

Alina Koŭšyk kaža, što rašeńnie Ihara Kuleja zvolnicca stała dla jaje niečakanaściu — na studzień 2025 hoda byli zapłanavanyja jaho prahramy.

«Jaho nie zvolnili z «Biełsata» — jon pryniaŭ rašeńnie syści sam, pra što zajaviŭ u žyvym efiry prahramy «Tydzień» uviečary 29 śniežnia 2024 hoda. Raźvitaŭsia Ihar biez uzhadnieńnia sa mnoj ci kiraŭnictvam TVP, źnianacku, biez anijakaha papiaredžańnia. Jon byŭ zapłanavany ŭ hrafiku na studzień na niekalki prahram», — havoryć jana. 

Pavodle jaje słoŭ, raniejšaja infarmacyja pra zvalnieńnie Ihara z pasady kiraŭnika redakcyi navin — taksama «manipulacyja faktami».

«Jaho nie zvolnili. Ihara pazbavili abaviazkaŭ kiraŭnika biełaruskaj redakcyi infarmacyjnych prahram. Hetuju pasadu jon zajmaŭ nieaficyjna, jaje niama ŭ novym rehłamiencie arhanizacyjnaj struktury TVP. Ihar jak indyvidualny pradprymalnik navat farmalna nie moh zajmać kiraŭničuju pasadu ŭ struktury, a vykonvaŭ hetuju funkcyju pavodle vusnaha rasparadžeńnia papiaredniaha kiraŭnictva», — śćviardžaje Koŭšyk.

Taksama jana kaža, što niahledziačy na toje, što Kulej pierastaŭ vykonvać abaviazki kiraŭnika biełaruskaha ńjusrumu, jon praciahvaŭ vieści prahramy «Tydzień» i «Biełsat Zoom». Taksama jon źjaŭlaŭsia adnym z vydaŭcoŭ i viadoŭcaŭ prahram Eastern Europe Review dla TVP World i Akcent wschodni, jakija vypuskaje «Biełsat» dla TVP Info. 

Koŭšyk davodzić, što ciapierašnija zajavy Ihara Kuleja pra «chłuśniu i pahrozy» ŭ adnosinach da jaho «nie adpaviadajuć rečaisnaści i škodziać reputacyi kanała».

«Kampanija pa dezynfarmacyi, pra jakuju jon kaža, — heta biespadstaŭnaje abvinavačańnie, bo naša pazicyja zastajecca adnaznačnaj: my nie robim ni pahroz, ni cisku na supracoŭnikaŭ. «Biełsat» zaŭsiody budzie miescam dla tych, chto hatovy pracavać sumlenna i prafiesijna. My za prazrystaść i prafiesijanalizm u našaj pracy i hatovyja da adkrytaha dyjałohu dla vyśviatleńnia lubych spraŭ. Takoj sproby ź jaho boku nie było. Zamiest taho, kab pasprabavać znajści supolnuju movu sa mnoj, Ihar pačaŭ źviartacca ŭ roznyja arhanizacyi, kab jašče bolš raskručvać svaju spravu», — kaža Koŭšyk. 

Na pytańnie «Našaj Nivy», ci paŭpłyvała na situacyju vostraje intervju, jakoje ŭ Aliny raniej uziaŭ Siarhiej Padsasonny, jana zaŭvažyła, što, na jaje dumku, tady byli parušanyja prafiesijnyja standarty. 

«Liču, što tam było niekalki momantaŭ, jakija parušali etyčnyja standarty. I pa hetaj spravie išło ŭnutranaje raźbiralnictva», — skazała jana.

Koŭšyk dadała, što jaje možna krytykavać, «rabić krytyčnyja intervju i zadavać vostryja pytańni».

«Ale jany nie pavinny abražać ludziej, prynižać, stavić u niajomkaje stanovišča (heta aktualna nie tolki ŭ adnosinach da mianie, a pierad usim da našych hierojaŭ-surazmoŭcaŭ). Tamu što heta potym robicca ŭžo nie chard-tokam, a zusim inšym žanram, skažam tak», — kaža jana. 

Kamientary14

  • Biudžetnički
    30.12.2024
    Žvavyja žeŭžyčki
  • Cikaŭnaja hladačka
    30.12.2024
    Ty skažy lepš, čamu ty, nibyta syšoŭšy ad Cichanoŭskaj, siadziš na palityčnych iventach kštałtu tak zvanaha "Stratehičnaha dyjałohu" pobač ź joj i praciahvaješ nazyvajać jaje "abranaj prezidentkaj", choć i jana ŭžo nie navažvajecca takuju łuchtu nieści. Utulna siadzieć na dvuch kresłach?
    Kolki kaštuje sumleńnie?
  • Zadumka
    30.12.2024
    Koušyk očień hramotnaja, no i vłastnaja žienŝina, možiet byť dažie i złopamiatnaja, potomu-čto skorpionicha... Nie udivluś, jeśli ona i Podsasonnoho so vriemieniem skušajet, vriad-li ona prostit to intierv́ju jemu v pieriedačie, hdie on jeje nieskolko raz sieŕjezno poddievał. Nie chotiełoś by, čtoby Sierhiej tožie ušieł, pieriedači s nim vsiehda smotriu s udovolstvijem.

Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova3

Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova

Usie naviny →
Usie naviny

Hod biełaruskaj movy ad Krutoha adkładvajecca. Budzie Hod dobraŭparadkavańnia krainy5

Vybarčaja prahrama Kanapackaj: parłamienckaja respublika, zabarona lustracyi, a žančynam brać šlub možna z 17 hadoŭ20

Protas zakinuŭ čarhovyja dźvie šajby ŭ NCHŁ. Jon užo ŭ top-50 bambardziraŭ

Jany pajšli ad nas u 2024 hodzie. Zhadvajem biełarusaŭ, jakich my stracili14

Łukašenka ŭ navahodnim zvarocie: «Źmiena pakaleńniaŭ zavieršycca ŭ nastupnyja hady»29

Zialenski ŭ navahodnim zvarocie: Ja ŭpeŭnieny, pryjdzie dzień, kali my skažam «Žyvie Biełaruś!»23

Navahodni zvarot Cichanoŭskaj byŭ spałučany ź videarolikam pra žyćcio adnoj siamji33

U Biełarusi, jak i ŭ minułym hodzie, na pieradnavahodnija chviliny adklučyli jutub25

Paźniak źviarnuŭsia da Łukašenki z prośbaj spynić represii48

bolš čytanych navin
bolš łajkanych navin

Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova3

Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova

Hałoŭnaje
Usie naviny →