Polšča praciahnuła dla biełarusaŭ atrymańnie prajaznoha dakumienta pa sproščanaj schiemie
Atrymać polski prajazny dakumient pa sproščanaj schiemie možna budzie jašče paŭhoda — da 30 červienia 2025 hoda, piša telehram-kanał «Biełarusy v Polšie».
Polski prajazny dakumient inšaziemca (polski dokument podróży dla cudzoziemca) — heta paśviedčańnie ŭ Polščy asoby inšaziemca, jaki nie maje anałahičnych dakumientaŭ, vydadzienych krainaj jaho pachodžańnia. Dakumient dazvalaje, aprača inšaha, pierasiakać miežy Polščy (vyjazdžać za miažu i viartacca ŭ krainu).
Sproščany paradak vydačy prajaznych dakumientaŭ dla hramadzian Biełarusi byŭ uviedzieny ŭ Polščy pastanovaj Ministerstva ŭnutranych spraŭ i administracyi ŭ lipieni 2023 hoda.
Padača zajavy pa sproščanaj schiemie:
- prajazny dakumient inšaziemca daduć biełarusam ź lubym časovym dazvołam na žycharstva, niezaležna ad padstaŭ jaho atrymańnia;
- taki dakumient ciapier zmohuć atrymać navat tyja hramadzianie Biełarusi, u kaho naohuł niama i nie było biełaruskaha pašparta. U pieršuju čarhu heta tyčycca biełaruskich dziaciej, narodžanych užo ŭ Polščy, baćki jakich nie mohuć pajechać na radzimu i aformić im dakumienty;
- biełarusaŭ vyzvalili ad abaviazku dakazvać, što jany nie mohuć atrymać novy pašpart u Biełarusi;
- vyzvaleńnie ad apłaty zboru za vydaču prajaznoha dakumienta dla inšaziemca (ciapier jahony pamier składaje 350 złotych) — hetaja miera budzie dziejničać biesterminova až da jaje admieny.
Siamja biełarusaŭ u Łatvii nie moža aformić pašpart dla novanarodžanaj dački. Jechać za im na radzimu — nie varyjant praz pahrozu turmy
Mihracyjnaja słužba Narviehii admoviłasia vydavać prajazny dakumient inšaziemca traim studentam ź Biełarusi
Jurkonis pra biełarusaŭ u Litvie: Humanitarny DNŽ ciapier vydajuć chutčej. A pahrozaj nacbiaśpieki pryznali mienš za 3%
Rada Jeŭropy zaklikała spraścić vizavy režym dla biełarusaŭ i nie patrabavać apastyli na dakumientach
«Advakatka prosta ašaleła». Biełarusy pa-za šenhien-zonaj, u jakich chutka skončycca pašpart — pra svoj płan dziejańniaŭ
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova4
Kamientary