Hrecki arech šyroka vykarystoŭvajecca ŭ kulinaryi, taksama im z zadavalnieńniem łasujucca jak darosłyja, tak i dzieci. Ale mała chto viedaje pra inšyja sposaby jaho vykarystańnia.
Hrecki arech, taki papularny ŭ kulinaryi, moža dapamahčy i ŭ mnohich inšych situacyjach. Naprykład, u drobnym ramoncie.
Drobnyja drapina na pavierchni z dreva ci łakavanaj mebli — sapraŭdnaja katastrofa dla pierfiekcyjanistaŭ. Vypravić situacyju dapamoža hrecki arech. Hety sposab padydzie praktyčna dla ŭsich vidaŭ mebli z dreva (za vyklučeńniem antykvarnaj). Uličycie taksama, što ź ciomnaj pavierchniaj hety sposab taksama nie spracuje. Dla ich lepš vykarystać jod, kavu ci čorny čaj.
Dla restaŭracyi spatrebicca pałova jadra arecha. Paškodžanaje miesca nacirajecca spačatku kruhavymi ruchami. Zatym pa drapinie pravodziać niekalki razoŭ uvierch-uniz. Paśla hetaha nieabchodna pakinuć apracavanaje miesca na niekalki chvilin, kab dać aleju, jaki vydzieliŭsia z arecha, praniknuć u pavierchniu.
U kancy pracesu treba z dapamohaj miakkaj tkaniny adpaliravać miesca defiektu. Kali efiekt nie zadavolić, to možna praceduru paŭtaryć.
Časta zamiest jadra vykarystoŭvajuć łupinu maładoha hreckaha arecha. Paśla taho, jak łupinu zdymuć z arecha, u joj robiać niekalki niehłybokich nadrezaŭ i nacirajuć drapiny. Zatym taksama pakidajuć na niekalki chvilin, kab dać drevu ŭvabrać u siabie farbavalnyja złučeńni, i palirujuć z dapamohaj miakkaj tkaniny.
Efiekt hruntujecca na tym, što hrecki arech utrymlivaje šmat alejaŭ i jod, jaki dapamahaje afarbavać pavierchniu z dreva ŭ ciomny koler. Alei robiać takuju afarboŭku bolš miakkaj i niezaŭvažnaj. U vyniku restaŭracyja z dapamohaj hreckaha arecha dapamoža vizualna zamaskavać defiekt, ale nie vyraŭniać jaho.
Čytajcie jašče:
Ci varta zachoŭvać arechi ŭ chaładzilniku? Chimija padkazvaje pravilny adkaz
Čufa: hety ziemlany arech vydatna raście ŭ biełaruskich umovach. Pasadzicie, i vam spadabajecca
Biełaruski arechavy cud. Pad Maładziečnam jość cełyja płantacyi funduka, pra jakija mała chto čuŭ
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary